ءىس-شارا قر اقپارات جانە قوعامدىق دامۋ مينيسترلىگى جاستار جانە وتباسى ىستەرى كوميتەتىنىڭ قولداۋىمەن ۇيىمداستىرىلدى. بۇل تۋرالى ۆەدومستۆونىڭ ءباسپاسوز قىزمەتى حابارلادى.
پىكىرتالاسقا مەملەكەتتىك ورگان وكىلدەرى, قوعام قايراتكەرلەرى, جاس عالىمدار مەن ساراپشىلار قاتىستى.
قر اقدم جاستار جانە وتباسى ىستەرى كوميتەتىنىڭ توراعاسى ش.بايمانوۆ جانە قر پارلامەنتى ءماجىلىسىنىڭ دەپۋتاتى م. احمەتوۆ مەملەكەت جاستاردىڭ پروبلەماسىن نازاردان تىس قالدىرمايتىنىن جانە ولاردى شەشۋ ءۇشىن قاجەتتى شارالار قابىلداپ جاتقانىن اتاپ ءوتتى.
كەزدەسۋ بارىسىندا «جاستار» عزو ديرەكتورى ا.ساكوشەۆ مەملەكەت باسشىسىنا 2021 جىلى جۇرگىزىلگەن الەۋمەتتىك زەرتتەۋدىڭ ناتيجەسىن ۇسىندى. ول جىل سايىنعى «قازاقستان جاستارى» ۇلتتىق بايانداماسىنىڭ نەگىزى سانالادى.
ساراپشىلار ماڭىزدى ماسەلەلەردى كوتەرىپ, ولاردى شەشۋ ءۇشىن ناقتى ۇسىنىس بەردى. ونىڭ ىشىندە, قر پارلامەنتى سەناتى جانىنداعى جاس ساراپشىلار كلۋبىنىڭ مۇشەسى ج.ىسقاقوۆا جاستاردىڭ قۇندىلىعى تۋرالى بايانداما جاسادى. ساياسي كەڭەسشى د. ايكەنوۆا قازىرگى جاس ۇرپاق مىنەز-قۇلقىنىڭ زاڭدىلىعى تۋرالى ايتتى. «جاس وتان» توراعاسىنىڭ ورىنباسارى ا. بۇركىتالين جاستاردى جۇمىسپەن قامتۋ ماسەلەلەرىن تالقىلادى. ال «جاس ۇلان» رقب ءتورايىمى د.سادۋاقاسوۆا بايانداماسىن جاستار اراسىنداعى بۋللينگ پەن لۋدومانيانىڭ وزەكتى ماسەلەلەرىنە ارنادى.
وتىرىس قورىتىندىسى بويىنشا مەملەكەتتىك ورگاندار مەن ۇەۇ ءۇشىن مەملەكەتتىك ورگاندار, قوعامدىق ۇيىم وكىلدەرى, ساراپشىلار جانە باسقا دا قاتىسۋشىلار جاريالاعان ۇسىنىمدار ءتىزىمى جاسالدى.
ءىس-شارا بارلىق سانيتارلىق نورمانى ساقتاي وتىرىپ, ونلاين جانە وفلاين فورماتتا ءوتتى.
