بەلگىلى بولعانداي, «اتىراۋ جارىق» اق-نىڭ ەلەكترومونتەرلەر بريگاداسى اۆتوگيدروكوتەرگىشتىڭ كومەگىمەن 6-7 مەتر بيىكتە جوعارى ۆولتتى ەلەكتر جەلىسىنىڭ سىمدارىنا مونتاجداۋ جۇرگىزگەن. سول كەزدە مانيپۋلياتوردىڭ اۆتومۇناراسى قۇلاپ, مونتاجداۋشى ەكى ادام اۋىر دەنە جاراقاتىن العان. ونىڭ ەكەۋى دە وبلىستىق اۋرۋحاناعا جاتقىزىلدى. بىراق, زارداپ شەككەن جۇمىسشىنىڭ ءبىرى اۋرۋحانادا قايتىس بولدى.
«قازىر «اتىراۋ جارىق» اق-نىڭ قىزمەتكەرى – 1979 جىلى تۋعان ازاماتتىڭ ولىمىنە قاتىستى قر قىلمىستىق كودەكستىڭ 156-بابىنىڭ 3 بولىگىمەن سوتقا دەيىنگى تەرگەۋ جۇرگىزىلىپ جاتىر. مۇردەگە سوت-مەديتسينالىق ساراپتاما تاعايىندالدى», دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
