«تۇتىنۋشىلاردى قورعاۋ جەكە جانە قوعامدىق قۇقىقتىڭ ءارتۇرلى سالالارىنا عانا ەمەس, سونىمەن قاتار قازىرگى قوعامنىڭ ەكونوميكالىق, الەۋمەتتىك جانە باسقا دا اسپەكتىلەرىنە قاتىستى كەشەندى الەۋمەتتىك ماسەلە بولىپ سانالادى. كەلىپ تۇسكەن وتىنىشتەردى تالداۋ بويىنشا: اعىمداعى جىلدىڭ 6 ايىندا كوميتەتكە 8164 ءوتىنىش كەلىپ ءتۇستى, بۇل 2020 جىلدىڭ ۇقساس كەزەڭىندە 2477-گە ارتىق. وسىلايشا, ءوسىم قارقىنى 144%-دى قۇرادى», دەدى الماز ءابجاپپاروۆ ۆەدومستۆونىڭ القا وتىرىسىندا.
ونىڭ ايتۋىنشا, كەلىپ تۇسكەن وتىنىشتەردىڭ 2836-ى قاناعاتتاندىرىلسا, 585-ءى قايتا جولداندى, 4592 ءوتىنىش بويىنشا تۇسىنىكتەمە بەرىلدى, 21-ءى تۇتىنۋشىلاردىڭ ءوتىنىشى نەگىزىندە توقتاتىلدى, 122-ءى كەلەسى توقسانعا كوشتى جانە 8-ءى بويىنشا تالاپ-ارىز جۇمىسى جۇرگىزىلدى.
«تۇتىنۋشىلاردى جىلدان-جىلعا قايتالاناتىن ماسەلەلەر مازالايتىنىنا, ەلدەگى ەپيدەميولوگيالىق جاعداي حالىقتىڭ باسىمدىقتارى مەن ومىرلىك مۇددەلەرىن وزگەرتكەنىنە نازار اۋدارۋ قاجەت. ەڭ پروبلەمالىق سالا بولشەك ساۋدا بولىپ تابىلادى, ول وتىنىشتەردىڭ 49%-ىن قۇرايدى. 2020 جىلى 29%-دى قۇراپ, ءوسۋ قارقىنى 169%-دى كورسەتتى», دەپ اتاپ ءوتتى سپيكەر.
