بۇگىنگى كۇنى قىزىلوردا وبلىسىندا ىندەت جۇقتىرعان 12 784 ادام تىركەلىپ, سونىڭ ىشىندە 9 828 ناۋقاس جازىلدى. پنەۆمونيامەن اۋىرعان 1867 ناۋقاستىڭ 1580-ءى ەمدەلىپ شىقتى.
وسى جىلدىڭ ماۋسىم-شىلدە ايلارىندا ينفەكتسيالىق توسەك-ورىن سانى 585-تەن 2340-قا دەيىن ارتتىرىلدى. ال رەانيماتسيالىق توسەك-ورىن 90-نان 172-گە دەيىن كوبەيتىلدى. قازىرگى جۇكتەمە 55 پايىزدى قۇراپ وتىر.
قۇرىلىسى 2020 جىلى باستالعان مودۋلدىك ستاتسيونار اشىلىپ, كوروناۆيرۋسقا شالدىققان ناۋقاستاردى قابىلداۋ باستالدى. ستاتسيوناردا رەجيمدى تۇردە 6 وتتەگى شىعارۋ ستانتسياسى جۇمىس جاساۋدا. قاجەتتى ءدارى-دارمەك قورى قالىپتاسقان. كوروناۆيرۋس ينفەكتسياسىنا قارسى كۇرەس جۇمىستارىنا قاجەتتى مەديتسينالىق كادرلار مەن قۇرالدار جابدىقتالدى.
وڭىردە 11 پتر اپپاراتى ىسكە قوسىلعان. تاۋلىگىنە 1300-1500 ارالىعىندا سىناما الىنۋدا.
وبلىستا ۇجىمدىق يممۋنيتەتتى قالىپتاستىرۋ ماقساتىندا ەكپە الۋعا قابىلەتتى 401 مىڭ تۇرعىننىڭ 61,4% ۆاكتسينالاندى. قىركۇيەك ايىندا كورسەتكىش 85% ورىندالادى دەپ جوسپارلانۋدا. ۆاكتسيناتسيالاۋ جۇمىستارى وبلىس بويىنشا 106 ەگۋ كابينەتىندە جۇرگىزىلۋدە, وعان 133 مەيىربيكە مەن 89 دۋبلەر تارتىلعان. وبلىستا «Ashyq» جوباسى ارقىلى 2749 نىسان جۇمىس جاساۋدا.
