قر بۇرىنعى مادەنيەت جانە سپورت ۆيتسە-ءمينيسترى ساكەن مۇسايبەكوۆكە اعىمداعى جىلدىڭ اقپان ايىندا قىزمەتتىك لاۋازىمىن پايدالانىپ الاياقتىق ارەكەت جاسادى دەگەن ايىپ تاعىلعان. ناقتىلاساق, ەكس-شەنەۋنىك «تاريفتىك ەسەپ ورتالىعى» جوباسىن ىسكە اسىرۋ ماقساتىندا مەملەكەتتىك-جەكەشەلىك ارىپتەستىك تۋرالى كەلىسىمگە قول قويۋعا بايلانىستى ماسەلەنى شەشۋ ءۇشىن 15 مىڭ اقش دوللارىن الدى دەگەن كۇدىككە ىلىنگەن.
«2021 جىلدىڭ 18-21 اقپان ارالىعىندا الماتى قالاسىندا س.م.مۇسايبەكوۆ, قر مادەنيەت جانە سپورت مينيسترلىگىنىڭ ۆيتسە-ءمينيسترى قىزمەتىندە بولا وتىرىپ قر زاڭىن ورەسكەل بۇزعان. زاڭمەن قورعالاتىن ازاماتتاردىڭ مۇددەلەرىنە, مەملەكەتتىك جانە قوعامدىق قىزمەتتەرگە قايشى كەلەتىن, قازاقستان رەسپۋبليكاسى مادەنيەت جانە سپورت مينيسترلىگى قىزمەتكەرىنىڭ ار-نامىسى مەن بەدەلىنە نۇقسان كەلتىرەتىن اۋىر سىبايلاس جەمقورلىق قىلمىسىن جاسادى», دەلىنگەن تۇركسىب اۋداندىق سوتىنىڭ حابارلاماسىندا.
ساكەن مۇسايبەكوۆ پەن الماتى قالاسى پروكۋرورىنىڭ ورىنباسارى اراسىندا جاسالعان پروتسەسسۋالدىق كەلىسىمگە سايكەس, پروكۋرور سوتقا ساكەن مۇسايبەكوۆكە پارا مولشەرىنىڭ ون ەسەلەنگەن كولەمىندە, 62 394 00 تەڭگە سوماسىندا, ايىپپۇل تۇرىندەگى جازا تاعايىنداۋدى سۇرادى.
«سوت ۇكىمىمەن س.ج.مۇسايبەكوۆ قك-ءتىڭ 190 - بابى, 3 - بولىگى, 1, 2 - تارماقتارى بويىنشا 62 394 000 تەڭگە ايىپپۇل تۇرىندەگى جازامەن كىنالى دەپ تانىلدى. جازا تاعايىنداۋ كەزىندە سوت كىناسىن مويىنداۋ تۋرالى جاسالعان پروتسەسسۋالدىق كەلىسىمگە سايكەس س.ج.مۇسايبەكوۆكە ايىپپۇلدىڭ ون ەسەلەنگەن مولشەرىندە جازا قولدانۋ مۇمكىن دەگەن قورىتىندىعا كەلدى.
ەستەرىڭىزگە سالا كەتەيىك, بۇعان دەيىن قر مادەنيەت جانە سپورت ءمينيسترى اقتوتى رايىمقۇلوۆا ورىنباسارىنىڭ كىناسى دالەلدەنسە وتستاۆكاعا كەتۋگە دايىن ەكەنىن جەتكىزگەن بولاتىن.
