ء«بىر رەتتىك مەديتسينالىق ماسكانىڭ كولەمى 3 ميكروننان اساتىن اەروزولدەردىڭ 95%-ىن ۇستاپ قالاتىن تۋرالى راستالعان اقپارات بار. دەمەك, تەك 5%-ى عانا ماسكادان وتە الادى», دەدى فاريدا اعىباەۆا.
دارىگەردىڭ ايتۋىنشا, ءبىر رەتتىك ماسكانى 2-3 ساعاتتان ارتىق قولدانۋعا بولمايدى.
«سونىمەن قاتار ءتورت قاباتتى ماتادان نەمەسە تىعىز جاساندى كەنەپتەن جاسالعان, بىرنەشە رەت قولدانۋعا ارنالعان ماسكا دا ءتيىمدى. قايتا قولدانۋعا بولاتىن ماسكانى قولدانعاننان كەيىن ىستىق سۋدا ۇنتاق پەن دەزينفەكتسيا قوسىپ, جۋادى. كەپكەن سوڭ بۋسىز ۇتىكتەۋ قاجەت», دەيدى دارىگەر.
ف. اعىباەۆا ماسكانى, ەڭ الدىمەن, ناۋقاستار تاعۋى كەرەك ەكەنىن ايتتى.
«بۇل ونىڭ اۋزى-مۇرنىنان بولىنگەن فيزيولوگيالىق سۇيىقتىقتىڭ ماسكادا قالۋى ءۇشىن قاجەت. ال دەنى ساۋ ادامدار اۋرۋ جۇقتىرىپ الماۋ ءۇشىن تاعادى», دەيدى ول.
