قر ەكولوگيا, گەولوگيا جانە تابيعي رەسۋرستار مينيسترلىگىنىڭ مالىمەتىنشە, ءدال وسى كۇنى 2006 جىلى كاسپي تەڭىزى مەن قورشاعان ورتانى لاستانۋدان قورعاۋ جونىندەگى نەگىزدەمەلىك كونۆەنتسيا كۇشىنە ەندى.
«قۇجاتقا تەگەراندا قول قويىلدى. ول كاسپي تەڭىزى ءوڭىرىن قورعاۋعا قويىلاتىن جالپى تالاپتاردى قامتيدى جانە بۇل ءۇشىن قاجەتتى ينستيتۋتسيونالدىق تەتىكتەردى قۇرۋدى كوزدەيدى. بۇل كۇندى بەلگىلەۋدەگى ماقسات - قارقىندى دامىپ كەلە جاتقان ەۋرازيانىڭ ونەركاسىپتىك, كولىكتىك جانە كۋرورتتىق ورتالىعىندا تابيعاتتى قورعاۋ, وسى سالاداعى 5 مەملەكەتتىڭ ىنتىماقتاستىعىن نىعايتۋ جانە ەكولوگيالىق ءبىلىمدى ناسيحاتتاۋ», دەدى مينيسترلىكتەن.
