سىرتقى ساۋدا اينالىمى ارتتى

ۇكىمەت ءباسپاسوز قىزمەتىنىڭ حابارلاۋىنشا، شيكىزاتتىق ەمەس تا­ۋارلار ەكسپورتى 23،4 پايىزعا ءوسىپ، 7،2 ملرد دوللارعا جەتكەن. سونداي-اق مەتاللۋرگيا (+27،5 پايىز)، قۇرىلىس ين­دۋس­ت­ريا­سى (+25،8 پايىز)، فار­­ما­تسەۆ­تيكا (+18،4 پايىز)، حي­ميا­لىق ونەركاسىپ (+4،6 پايىز) سا­لا­سىندا دا ەلەۋلى ءوسىم باي­قالادى.

اۋىل شارۋاشىلىعى ونەر­كاسىبىنىڭ وڭدەلگەن ونىمدەرىنىڭ ەكسپورتى 2020 جىلمەن سالىس­تىرعاندا 10،8 پايىزعا دەيىن ۇل­عايعان. ءسويتىپ 545،8 ملن دول­لاردى قۇراعان. سونداي-اق بۇل دەرەك اگروونەركاسىپ كە­شەنى ەكسپورتىنىڭ 33 پايىزىن ەنشىلەيدى. ەكسپورتتىق قۇ­رىلىمدا ۇن، ماكارون، وسىمدىك مايى، ەت جانە ءسۇت ونىمدەرى، كونديتەرلىك ونىمدەر، ماقتا ونىمدەرىنىڭ ۇلەسى باسىم.

قازىرگى تاڭدا شيكىزاتتىق ەمەس تاۋارلار مەن قىزمەتتەر مول­شەرىن ارتتىرا ءتۇسۋ ءۇشىن ەكسپورت­تاۋشىلارعا باعىت­تال­عان مەم­لەكەتتىك قولداۋ شا­را­لارى جۇزەگە اسىرىلۋ­دا. ولاردىڭ قا­تا­رى­نا – جەڭىل­دە­تىل­گەن نەسيەلەۋ مەن ساق­تان­­دى­رۋدى، ەكسپورتتاۋشىلار شى­عىنىنىڭ ءبىر بولىگىن وتەۋ، ەكسپورتتىق اكسەلەراتسيا، ەلەكتروندى پلاتفورمالارعا شىعارۋ شارالارىن جاتقىزۋعا بولادى. ەسكە سالساق، پرەزي­دەنت قاسىم-جومارت توقاەۆ تۇرىك­مەنستاندا وتكەن ورتالىق ازيا مەملەكەتتەر باسشىلارىنىڭ كەزدەسۋىندە «قازاقستاننىڭ ورتا ازيا ەلدەرىنە شىعاراتىن ەكسپورتتىق تاۋارلارىنىڭ قۇنىن 1 ملرد دوللارعا دەيىن جەتكىزەمىز»، دەگەن بولاتىن. پرەزيدەنتتىڭ ايتۋىنشا، سوڭعى بەس جىلدا قازاقستاننىڭ ورتا ازيا ەلدەرىمەن سىرتقى ساۋدا اينالىمى ءبىر جارىم ەسە ءوسىپ، 4،6 ملرد دوللارعا جەتكەن.

ساۋدا جانە ينتەگراتسيا ءمينيسترى باقىت سۇلتانوۆتىڭ ايتۋىنشا، وڭىرلىك ساۋدانى بىرلەسە جۇزەگە اسىرۋ بىرلەسكەن تىڭ جوبالاردىڭ دۇنيەگە كەلۋىنە سەبەپشى بولادى.

– مىسالى، كولىك دالىزدەرىنىڭ بىرلەسكەن يدەيالارى ىسكە اسىرىلۋدا. ونەركاسىپتىك كووپەراتسيانى دامىتۋ بويىنشا قابىلدانعان ەكىجاقتى جول كارتالارى قارقىندى تۇردە ىسكە اسىرىلۋدا. بۇعان قازاقستان مەن وزبەكستان اۆتوونەركاسىبىنىڭ رەسەيلىك ارىپتەستەرمەن تىعىز ءوز­ارا ءىس-قيمىل كەزىندەگى ىنتى­ماقتاستىعى جاقسى مىسال بولا­دى. بۇل – ەكونوميكالىق ءوز­ارا ءىس-قيمىلدىڭ مۇلدەم باس­قا دەڭ­گەيى. ىنتىماقتاس­تىق دەڭ­­گە­يىن تە­رەڭ­دەتۋگە كومەك­تەسۋ­گە ار­نال­عان ءبىزدىڭ باس­قا ۇسىنى­سى­مىز – ءۇشىن­شى ەلدەردىڭ نارىعىنا شى­عا­رىلا وتىرىپ، «ورتالىق ازيا­دا جاسالعان» بىرىڭعاي برەندى­مەن بىرلەسكەن ونىمدەر شى­عا­راتىن ترانسشەكارالىق ساۋ­­­دا ورتالىقتارىن بىرلەسىپ قۇ­­رۋ مەن دامىتۋ، – دەيدى مينيستر.