«12 تامىز كۇنى, ماسكەۋ ۋاقىتىمەن ساعات 00.50-دە كرونوتسكوە قورىعىنىڭ كۋريلسك كولى اۋماعىندا «ۆيتياز-اەرو» كومپانياسىنىڭ مي-8 تىكۇشاعى جەرگە قاتتى قونعانى تۋرالى حابارلاما ءتۇستى. الدىن الا اقپارات بويىنشا, بورتتا 13 تۋريست پەن 4 ەكيپاج مۇشەسى بار. وقيعا ورنىنا اپاتتار مەديتسيناسى ورتالىعىنىڭ تىكۇشاعى مەن رەسەي توتەنشە جاعدايلار مينيسترلىگىنىڭ مي-8 تىكۇشاعى اتتاندى», دەپ جازدى توتەنشە جاعدايلار مينيسترلىگى كامچاتكا بويىنشا مەملەكەتتىك باسقارماسىنىڭ ءباسپاسوز قىزمەتى.
تىكۇشاقتان زارداپ شەككەندەرگە كومەكتەسۋ ءۇشىن كامچاتسك ولكەسىندەگى ىزدەستىرۋ-قۇتقارۋ جۇمىستارىنا 45 ادام مەن 8 تەحنيكا جۇمىلدىرىلدى.
