ايماقتار • 11 تامىز، 2021

الماتىدا كولىك سالىعىن «سەرگەك» كامەراسى ارقىلى انىقتاۋدا

90 رەت كورسەتىلدى

الماتى قالاسى بويىنشا مەملەكەتتىك كىرىستەر دەپارتامەنتى جەكە تۇلعالاردىڭ سالىق بويىنشا قارىزىن ءوندىرىپ الۋ ءۇشىن مەگاپوليس كوشەلەرىندە پوليتسيا قىزمەتكەرلەرى جانە جەكە سوت ورىنداۋشىلارىمەن بىرلەسىپ رەيد جۇرگىزىپ جاتىر، دەپ حابارلايدى Egemen.kz.

الماتى قالالىق پوليتسيا دەپارتامەنتىنىڭ مالىمەتىنشە، بىرلەسكەن ءىس-شارانى وتكىزۋ بارىسىندا «سەرگەك» كامەراسىمەن «Chevrolet Tahoe» ماركالى اۆتوكولىك تىركەلدى، ونىڭ قارىزىنىڭ سوماسى 1،1 ملن تەنگە. «اتالعان كولىك ۇستالىپ، ايىپپۇل تۇراعىنا جەتكىزىلدى. رەيد جىل سوڭىنا دەيىن جالعاساتىن بولادى»، دەپ اتاپ ءوتتى پوليتسيادان.

جالپى الماتى قالاسى بويىنشا جەكە تۇلعالاردىڭ كولىك قۇرالدارىنا سالىناتىن سالىق بويىنشا بەرەشەگىنىڭ جالپى سوماسى - 4،2 ملرد تەڭگە. ءوز كەزەگىندە سوت ورىنداۋشىلارى بانكتىك شوتتارعا تىيىم سالۋ، م ۇلىكتى يەلىكتەن شىعارۋ، سونداي-اق ەلدەن تىس جەرلەرگە كوشۋ قۇقىعىن شەكتەۋ تۋرالى شەشىم قابىلداۋى مۇمكىن. بۇدان باسقا، بورىشكەرلەر الەۋمەتتىك تولەمدەر نەمەسە جاردەماقىلار، سونداي-اق ءبىلىم بەرۋ دەپوزيتتەرىن الۋ ءۇشىن قاجەتتى شوتتاردان باسقا شوتتار اشا المايدى. سونداي-اق جەكە تۇلعالارعا مەنشىك سالىقتارى بويىنشا وزدەرىنىڭ سالىق مىندەتتەمەلەرىن وتەمەگەن جاعدايدا زاڭنامادا بەلگىلەنگەن مەرزىمدە ءوسىمپۇل ەسەپتەلەدى.

جەكە تۇلعالارعا كولىك سالىعىن تولەۋ مەرزىمى ەسەپتى سالىق كەزەڭىنەن كەيىنگى جىلدىڭ 1 ساۋىرىنەن كەشىكتىرمەي، ياعني 2020 جىل ءۇشىن 2021 جىلدىڭ 1 ساۋىرىنە دەيىن تولەۋى ءتيىس.

سالىقتاردى E-Salyq Azamat ءموبيلدى قوسىمشاسى، Egov پورتالى ارقىلى، قازپوشتا بولىمشەلەرىندە، سونداي-اق ەكىنشى دەڭگەيدەگى بانكتەردىڭ ءموبيلدى قوسىمشاسى ارقىلى تولەۋگە بولادى.

سوڭعى جاڭالىقتار

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار