كوروناۆيرۋس • 11 تامىز، 2021

نۇر-سۇلتاندا كوروناۆيرۋس جۇقتىرعان بالالاردىڭ جاعدايى اۋىر

72 رەت كورسەتىلدى

بۇگىنگى تاڭدا نۇر-سۇلتان قالاسىندا 74 بالا كوروناۆيرۋس ينفەكتسياسىنان ەمدەلىپ جاتىر، ونىڭ ىشىندە 7 بالانىڭ جاعدايى اۋىر. بۇل تۋرالى نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ مالىمدەدى، دەپ حابارلايدى Egemen.kz.

«ەرەسەكتەردەن بولەك كوروناۆيرۋس اۋرۋى بالالاردىڭ اراسىندا دا ءجيى كەزەدەسە باستادى. قازىرگى تاڭدا ەلوردادا 74 بالا ستاتسيوناردا ەم قابىلداپ جاتىر، ونىڭ ىشىندە 7 بالانىڭ جاعدايى اۋىر. وتكەن تاۋلىكتە 12 بالا اۋرۋحاناعا ءتۇستى. ودان بولەك، 834 بالا امبۋلاتورلى تۇردە ەم الىپ جاتىر»، دەدى تيمۋر مۇراتوۆ وكق-دە ونلاين وتكەن ءباسپاسوز ءماسليحاتىندا.

باسقارما باسشىسىنىڭ مالىمەتىنشە، ەلوردادا جىل باسىنان بەرى كوروناۆيرۋسپەن 10 مىڭنان استام بالا اۋىرىپ شىقتى.

«اسىرەسە ۆيرۋستى جۇقتىرۋشىلار جاز مەزگىلىندە ءوسىپ وتىر. ماۋسىم ايىنان باستاپ بالالار ۆيرۋستىڭ ايقىن كلينيكالىق بەلگىلەرىمەن تۇسە باستادى. بۇل ۋلانۋ، قالتىراۋ، دەنە قىزۋىنىڭ كوتەرىلۋى، كاتارالدى كورىنىستەر دە بولۋى مۇمكىن. بالالاردىڭ وتباسىنداعى ەكپە الماعان ادامدارمەن بايلانىستان سوڭ اۋىرا باستاعاندىعىن اتاپ وتكىم كەلەدى. ياعني، ۆاكتسينا الماعان ازاماتتار ۆيرۋستى ءوز بالالارى مەن جاقىندارىنا جۇقتىرادى»، دەيدى ول.

سوڭعى جاڭالىقتار

دوللار ارزاندادى

قارجى • بۇگىن، 16:22

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار