«جەردى رۇقساتسىز باسىپ العانى ءۇشىن 64 ادامعا 8,4 ميلليون تەڭگە سوماسىندا ايىپپۇل سالىندى. سونىمەن قاتار, جالعا بەرۋ مەرزىمى وتكەن 1114 جەر ۋچاسكەسى انىقتالدى, ونىڭ 104-ءى مەملەكەتكە قايتارىلدى, 473-ءىنىڭ جالعا بەرۋ مەرزىمى ۇزارتىلدى, 53-ءى بويىنشا شارالار قولدانىلدى, 61 جەر تەلىمى جەكە مەنشىككە وتەۋ جولىمەن بەرىلدى, 423 جەر ۋچاسكەسى بويىنشا جۇمىستار جۇرگىزىلىپ جاتىر. كوشەلەر مەن اۋلا اۋماقتارىنىڭ بويىندا مەملەكەتتىك قوردىڭ جەرىنە رۇقساتسىز ورناتىلعان 300-گە جۋىق زاڭسىز نىسان, ياعني 147 گاراج, 28 ستاتسيونارلىق ەمەس ساۋدا وبەكتىسى, 95 قورشاۋ سوت ءىسىن جۇرگىزۋسىز انىقتالدى جانە بۇزىلدى», دەپ ناقتىلادى ولجاس تولەباەۆ.
سونداي-اق اۋدانى 3760,9 گەكتاردى قۇرايتىن 2840 جەر ۋچاسكەسى نىسانالى ماقساتى بويىنشا پايدالانىلماعانى انىقتالعان. ونىڭ ىشىندە اۋماعى 595 گەكتاردى قۇرايتىن 755 جەر ۋچاسكەسى يگەرىلگەن, 147 پايدالانىلماعان رەتىندە تارتىپ الىندى. اۋدانى 837 گەكتار بولاتىن 312 اۋىل شارۋاشىلىعى جەر ۋچاسكەسى يگەرىلگەن.
«باقىلاۋ فۋنكتسيالارى اياسىندا 333 جوسپاردان تىس تەكسەرۋ جۇرگىزىلدى. ناتيجەلەر بويىنشا جالپى سوماسى 92 ملن تەڭگەنى قۇرايتىن 477 ەرەجە بۇزۋشىلىق انىقتالدى. جىل باسىنان بەرى زاڭسىز سالىنعان 17 نىسان بۇزىلدى, ونىڭ ىشىندە قاراساي باتىر كوشەسى, 156ا مەكەن-جايى بويىنشا ورنالاسقان كافە, ساتباەۆ كوشەسى, 119 مەكەن-جايىنداعى ساۋدا پاۆيلونى, گوگول كوشەسى, 169 مەكەن-جايىنداعى جازعى كافە بار», دەپ ءتۇسىندىردى ول.
