ايماقتار • 11 تامىز، 2021

سولتۇستىك وڭىردە بەلگىسىز ىندەتتەن ءىرى قارا قىرىلىپ جاتىر

83 رەت كورسەتىلدى

ىندەتتى تەكسەرگەن جاۋاپتىلار بۇل قوراسان اۋرۋى بولۋى مۇمكىن دەگەن بولجام جاسادى، دەپ حابارلايدى Egemen.kz.

سولتۇستىك قازاقستان وبلىسىندا بەلگىسىز اۋرۋدان مال ءولىپ جاتقانى انىقتالدى. كەسەلگە، كوبىنە، ءىرى قارا شالدىققان. ءتورت ت ۇلىككە تيگەن ىندەتتەن، اسىرەسە، ءۋاليحانوۆ اۋدانىنداعى مورتىق اۋىلىنداعى شارۋاشىلىق يەلەرى زارداپ شەككەن، دەپ حابارلايدى 31-ارنانىڭ ينفورمبيۋرو اقپاراتتىق باعدارلاماسى.

اۋىلدا قازىردىڭ وزىندە بەلگىسىز اۋرۋدان وننان استام ءىرى قارا قىرىلعان. جەرگىلىكتى جۇرتشىلىق ورىستە ولگەن مالىن ۆيدەوعا ءتۇسىرىپ، الەۋمەتتىك جەلىدە جاريالاعان. ولار ىندەتتەن 3-4 ايلىق بۇزاۋلار مەن جاس تايىنشالار ءولىپ جاتقانىن ايتادى.

ت ۇلىكتىڭ الدىمەن ارتقى اياعى اقساپ، دەنەسىندە ىسىك پايدا بولادى. ال كەيبىرىنىڭ ءىشى قارىسىپ تاۋلىك ىشىندە ولگەن. بەلگىسىز اۋرۋدىڭ ادامعا جۇعۋىنان قاۋىپتەنگەن تۇرعىندار مال ولەكسەسىن ورتەۋگە كىرىسكەن. مال دارىگەرلەرى ءىرى قارانىڭ قانداي ىندەتتەن قىرىلعانىن انىقتاي الماي، تەك قوراسان اۋرۋى بولۋى ىقتيمال دەگەن بولجاممەن شەكتەلىپ وتىر.

«مال دارىگەرلەرى بارىپ تەكسەردى. بىراق قانداي اۋرۋدان ولگەنىن انىقتاۋ ازىرگە مۇمكىن بولماي تۇر. سەبەبى، مال ولەكسەلەرىنەن 2-3 ساعاتتىڭ ىشىندە پاتولوگيالىق تالداۋ الىپ ۇلگەرمەگەن. مالدار ورتەلگەن اۋماق زالالسىزداندىرىلدى»، دەدى سقو ۆەتەريناريا باسقارماسى باسشىسىنىڭ ورىنباسارى قايىرلى قازانوۆ.  

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار