«بيىلعى جىلعى شىلدەدە تەڭگە باعامى مۇناي باعاسىنىڭ ءوسۋى اياسىندا ءبىر اقش دوللارى ءۇشىن 424,45 تەڭگەگە دەيىن 0,7%-عا نىعايدى. شىلدە ايىنداعى قۇبىلمالىلىققا قاراماستان, مۇناي باعاسىن بەلگىلەۋ 76,33 اقش دوللارىنا دەيىن 1,6 پايىزعا ءوستى. وپەك+ تامىزدان باستاپ مۇناي ءوندىرۋدى اي سايىن ۇلعايتۋ تۋرالى ۋاعدالاستىققا كەلىسۋى, سونداي-اق اقش-تاعى قورلاردىڭ تومەندەۋى جانە وتىنعا سۇرانىستىڭ ءوسۋى تۋرالى دەرەكتەر مۇناي باعاسىن قالىپتاستىرۋعا ىقپال ەتكەن نەگىزگى فاكتورلارعا جاتادى», دەدى ە. دوساەۆ.
ونىڭ ايتۋىنشا, ترانسفەرتتەر ءبولۋ ءۇشىن ۇلتتىق قور اكتيۆتەرىن كونۆەرتاتسيالاۋ, كۆازيمەملەكەتتىك سەكتوردىڭ 480 ملن اقش دوللارى سوماسىنا ساتىلىمدارى جانە ەكسپورتتاۋشىلاردىڭ سالىق تولەمدەرى كەزەڭىندە بيرجالىق نارىقتا ۆاليۋتالىق ءتۇسىمدى كونۆەرتاتسيالاۋى تەڭگەگە قوسىمشا قولداۋ كورسەتتى.
«بيىلعى جىلعى تامىزدىڭ باسىنان باستاپ كوروناۆيرۋستىڭ دەلتا-شتامىمەن اۋرۋدىڭ ءوسۋى اياسىندا جاھاندىق ەكونوميكانىڭ پەرسپەكتيۆالارى بويىنشا بەلگىسىزدىككە بايلانىستى مۇناي نارىعىندا قىسىم كۇشەيە ءتۇستى», دەدى ۇب باسشىسى.
دوساەۆتىڭ ايتۋىنشا, مۇنايدىڭ قۇبىلمالىلىعى جانە تاۋەكەل-سەنتيمەنتتىڭ وزگەرۋى تەڭگەنىڭ ايىرباستاۋ باعامىنا قىسىم كورسەتاپ وتىر.
