«2021 جىلدىڭ 5 تامىزىندا ءبىلىم بەرۋ نىساندارىنا قولدانىلاتىن جاڭا سانيتارلىق ەرەجەلەر بەكىتىلدى. بۇل ەرەجەلەر: وقىتۋ فورماتتارىنا, تاماقتاندىرۋدى ۇيىمداستىرۋعا, كورپۋستارداعى, اۋديتوريالارداعى, سپورت جانە اكت زالدارىنىڭ تولۋىنا (جوبالىق قۋاتتىڭ 40-50 پايىزىنان اسپايتىن), زەرتحانالىق, پراكتيكالىق جانە ستۋديالىق ساباقتارعا, سونداي-اق جاتاقحانالارداعى بولمەلەردىڭ تولتىرىلۋىنا قويىلاتىن تالاپتاردى قامتيدى», دەدى تسوي ۇكىمەت وتىرىسىندا.
دەنساۋلىق ساقتاۋ مينيسترلىگىنىڭ باسشىسى ءوز سوزىندە ەلىمىزدە مۇعالىمدەر مەن مەكتەپ قىزمەتكەرلەرىن ۆاكتسيناتسيالاۋ اياقتالعانىن, 18 جانە ودان جوعارى جاستاعى ستۋدەنتتەردى ۆاكتسيناتسيالاۋ باستالعانىن ايتتى.
«قولدانىستاعى زاڭناما مەن ەپيدەميولوگيالىق جاعدايدى ەسكەرە وتىرىپ, مەكتەپتەردە ءداستۇرلى وقىتۋ فورماتىنا كوشۋ, قالپىنا كەلتىرىلگەننەن كەيىن ءۇش اي ىشىندە اۋىرىپ جازىلعان, تۇراقتى مەديتسينالىق قارسى كورسەتىلىمدەرى بار ادامداردى قوسپاعاندا, مۇعالىمدەر مەن قىزمەتكەرلەردى 100 پايىز ۆاكتسينالاۋدان كەيىن مۇمكىن بولادى. وڭ تاجىريبەنى ەسكەرە وتىرىپ, ينفەكتسيا جۇقتىرعانداردى, ۆاكتسينا الماعان جانە پەداگوگتەر, قىزمەتكەرلەر مەن اتا-انا قاتارىنداعى بايلانىستا بولعان ادامداردى باقىلاۋ ماقساتىندا مەكتەپتەرگە كىرگەن كەزدە Ashyq قوسىمشاسىن پايدالانۋ ورىندى دەپ ۇسىنامىز», دەپ تولىقتىردى تسوي.
