«پاندەميادان شىعۋدىڭ ماڭىزدى جولى ۆاكتسيناتسيا بولىپ قالا بەرەدى. قازىرگى ۋاقىتتا بارلىعى 5,9 ميلليوننان استام ادام ءبىرىنشى كومپونەنتپەن ەگىلدى, ەكىنشى كومپونەنتپەن 4,5 ميلليونعا جۋىق ادام ەگىلدى. بىراق بۇل جەتكىلىكسىز. ۆاكتسيناتسيالاۋ قارقىنىن كۇشەيتۋ قاجەت, اسىرەسە بۇل ماسەلەنى باتىس قازاقستان, ماڭعىستاۋ جانە اتىراۋ وبلىستارىنىڭ اكىمدەرى باقىلاۋعا الۋى ءتيىس. سونداي-اق بارلىق وڭىرلەردە ەپيدجاعدايدى باقىلاۋدا ۇستاۋ كەرەك», دەدى ۇكىمەت باسشىسى.
ول, سونداي-اق, مونيتورينگ توپتارىنىڭ جۇمىسىن جانداندىرۋدى تاپسىردى. حالىق شەكتەۋ شارالارى مەن بەتپەردە رەجيمىن ساقتاۋى ءتيىس. ونىڭ ايتۋىنشا, ءتارتىپ بۇزۋشىلار جاۋاپكەرشىلىككە تارتىلادى.
سونىمەن قاتار Ashyq جوباسىنا قاتىساتىن نىسانداردىڭ سانىن كەڭەيتۋ تاپسىرىلدى, بۇل پاندەميا كەزىندە جۇمىستى جالعاستىرۋعا مۇمكىندىك بەرەدى. قازىر جوباعا قاتىسۋشىلار سانى - 101 مىڭدى قۇرايدى.
