بۇعان دەيىن تايۆان سىرتقى ىستەر ءمينيسترى دجوزەف ۋ ارالدىڭ ليتۆادا وكىلدىگىن اشاتىنىن, ول ۆيلنيۋستە ورنالاساتىنىن جانە «تايۆاننىڭ ليتۆاداعى وكىلدىگى» دەپ اتالاتىنىن حابارلاعان بولاتىن.
ليتۆانىڭ ەكونوميكا جانە يننوۆاتسيا ءمينيسترى اۋشرين ارمونايتە ءوز كەزەگىندە ليتۆا تايۆاندا قازان-قاراشا ايلارىندا ساۋدا كەڭسەسىن اشاتىنىن ايتتى.
«جاقىندا ليتۆا ۇكىمەتى, قىتاي تاراپىنىڭ بىرنەشە رەت ەسكەرتۋىنە قاراماستان, تايۆان اكىمشىلىگىنە ءوز استاناسىنان وكىلدىك»اشۋعا رۇقسات بەرەتىنىن جاريالادى. بۇل ەكى ەل اراسىنداعى ديپلوماتيالىق قاتىناستار تۋرالى مالىمدەمەنى بۇزادى جانە قىتايدىڭ ەگەمەندىگى مەن تەرريتوريالىق تۇتاستىعىنا ەلەۋلى زيان كەلتىردى», دەپ جازدى قىتاي سىرتقى ىستەر مينيسترلىگى.
مينيسترلىك «قىتاي بۇعان ءۇزىلدى-كەسىلدى قارسى. قىتاي ۇكىمەتى ليتۆاداعى ەلشىسىن شاقىرتۋ تۋرالى شەشىم قابىلدادى جانە ليتۆا ۇكىمەتىنەن دە ءوز ەلشىسىن قايتارىپ الۋدى سۇرادى» دەپ اتاپ كورسەتەدى.
قىتاي سىرتقى ىستەر مينيسترلىگى «الەمدە ءبىر عانا قىتاي بار ەكەنىن, ال قحر ۇكىمەتى - بۇكىل قىتايدى بىلدىرەتىن جالعىز زاڭدى ۇكىمەت» ەكەنىن ەسكە سالدى.
