«7 تامىز كۇنى ەسىرتكىنى جەتكىزۋ مەن ساتۋ ارناسىنا توسقاۋىل قويۋعا باعىتتالعان جەدەل ىزدەستىرۋ ءىس-شاراسى كەزىندە 37 جاستاعى ەر ادام ۇستالدى. ونى تەكسەرۋ بارىسىندا 2 كەلى گاشيش تاركىلەندى. ونى ۇستاۋ كەزىندە كۇدىكتى ءىزىن سۋىتپاق بولعان. سونىمەن قاتار, قوسشىدا تۇراتىن ءۇيىن تەكسەرۋ كەزىندە ارنايى جابدىقتالعان جاسىرىن قويمادا ەكى پوليەتيلەن پاكەتتە 34 كەلىدەن استام گاشيش انىقتالدى. ارنايى وپەراتسيا ناتيجەسىندە زاڭسىز اينالىمنان 36,3 كەلى گاشيش تاركىلەندى», دەلىنگەن نۇر-سۇلتان قالاسى پوليتسيا دەپارتامەنتىنىڭ ءباسپاسوز قىزمەتى تاراتقان حابارلامادا.
بەلگىلى بولعانداي, كۇدىكتى اتالعان ەسىرتكىنى ەلوردا اۋماعىندا وتكىزۋدى جوسپارلاعان.
بۇل فاكتى بويىنشا قىلمىستىق ءىس قوزعالىپ, كۇدىكتى قاماۋعا الىندى.
