كورنەكى سۋرەت
وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا, 2-8 تامىز ارالىعىندا 102 وپەراتورىنا بالالاردىڭ حابار-وشارسىز كەتۋىنە بايلانىستى 12 قوڭىراۋ تۇسكەن.
«پوليتسيا قىزمەتكەرلەرى 12 بالانى 2-3 ساعاتتا ىزدەپ تاۋىپ, اتا-اناسىنا تابىستادى. ماسەلەن, 3 تامىزدا ساعات 23:00 شاماسىندا «نۇرسايا» شاعىن اۋدانىنىڭ تۇرعىنى كوپقاباتتى ءۇيدىڭ ءبىرىنىڭ ماڭىنان اداسىپ جۇرگەن 4 جاستاعى بالانى تاۋىپ العانىن حابارلادى. پوليتسەيلەر اداسقان بالانىڭ اتا-اناسىن دەرەۋ ىزدەپ تاپتى» دەپ حابارلادى دەپارتامەنتتىڭ ءباسپاسوز قىزمەتى.
ءتورت جاسار بالانىڭ اتا-اناسىنا تۇنگى ساعات 23:00-دەن كەيىن جۇرۋىنە جول بەرگەنى ءۇشىن قر اكىمشىلىك قۇقىقبۇزۋشىلىق تۋرالى كودەكسىنىڭ 442-بابىنىڭ 2-بولىمىمەن اكىمشىلىك حاتتاما تولتىرىلىپ, ەسكەرتۋ بەرىلدى.
