اشىق اسپان استىنداعى گالەرەيا

ەل تاۋەلسىزدىگىنىڭ وتىز جىل­دى­­عىنا ارنالعان مازمۇندى جوبانى «QazExpoCongress» ۇك» اق مەن ەۋرا­زيا­لىق مادەني اليانسى ىسكە اسىرىپ وتىر.

اتالعان اۋماقتا قويىلعان ونەر تۋىندىلارى كورگەن ادامعا اشىق اس­پان استىنداعى گالەرەيا سەكىلدى اسەر قالدىرادى. بىرەگەي كەڭىستىكتە سايد اتابەكوۆ, ارىستانبەك شالباەۆ, مول­داقۇل نارىمبەتوۆ, مۇرات ءدىل­مانوۆ, ۆالەري كازاس جانە اندرەي ليۋب­لينسكي سەكىلدى قازاقستاندىق جانە شەتەلدىك سۋرەتشىلەردىڭ تۋىندى­لارى مەن بىرقاتار ينتەراكتيۆتى وبەكتى قويىلعان. ما­سەلەن, 12 اۆتورلىق زاماناۋي ونەر تۋىندىسى جاياۋ جۇرگىنشىلەر اعىنى, ورىن ارحيتەكتۋراسى مەن شىعارمالار كونتەكسىن ەسكەرە وتىرىپ ورنالاستىرىلعان. اي­تالىق, ساكەن نارىنوۆ («ۋاقىت پەن كەڭىستىكتە», «ەنەرگيا سيقىرى»), مارك فورنەس (Minima/Maxima) جانە ەندريۋ رودجەرس («اشىلمالى ەنەرگيا») سياق­تى سۋرەت­شىلەردىڭ قولدانىستاعى ءتورت ءمۇسىنىن تولىقتىرىپ, ورتالىق ازيا­داعى مۇسىن­دەردىڭ ەڭ ۇلكەن بىرەگەي سايا­باعىن قۇرايدى. وسىلايشا, حالىقارالىق سۋرەتشىلەردىڭ تۋىندىلارى قازاقستاندىق اۆتورلارمەن ديالوگتى جانداندىرىپ, ءارتۇرلى مادەنيەتتەر اراسىندا جاڭا قارىم-قاتىناس قالىپ­تاستىرادى. سونىمەن قاتار مۇسىنشىلەر انسامبلىنەن باسقا, بۇل اۋماقتا اپتا سايىن مۋزىكانتتاردىڭ ءتۇرلى قو­يىلىم­دارى ءوتىپ, كوركەم جانە زاماناۋي ادە­بيەتتىڭ ۇلكەن قورى بار ەكى ينتە­راكتيۆتى كىتاپحانا جۇمىس ىستەيدى.

ايتا كەتەيىك, قازىرگى پاندەميا جاع­دايىنا بايلانىستى ءىس-شارا كەزىندە بارلىق قاۋىپسىزدىك ساقتالىپ, كەلۋ­شى­لەر­دى ASHYQ قوسىمشاسى ارقىلى قا­بىلدايدى.