سەناتور فەرمەرلەرمەن كەزدەسۋ بارىسىندا جەمشوپ دايىنداۋ جۇمىستارىنىڭ جايىن تالقىلاپ, ەلىمىزدىڭ بىرقاتار وڭىرىندە بولعان قۇرعاقشىلىق سالدارىنان مال ازىعىنىڭ تاپشىلىعىنا بايلانىستى بۇل جۇمىستى ساپالى جۇرگىزۋدىڭ ماڭىزدىلىعىن اتاپ ءوتتى.
سەناتور سونداي-اق جەرگىلىكتى تۇرعىندارمەن اۋدانداعى وزەكتى ماسەلەلەردى تالقىلادى. ولاردىڭ قاتارىندا جولداردىڭ جاي-كۇيى, اۋىز سۋمەن قامتاماسىز ەتۋ, سونداي-اق پاندەمياعا قارسى ءىس-قيمىل شارالارى مەن حالىقتى ۆاكتسينالاۋعا قاتىستى پروبلەمالار بار.
ساعىندىق لۇقپانوۆ وتكەن سەسسيادا سەناتورلار اتقارعان جۇمىستار تۋرالى اۋىل تۇرعىندارىن حاباردار ەتە وتىرىپ, ءماسليحات دەپۋتاتتارىنىڭ ءتۇرلى سالالارداعى زاڭنامانى جەتىلدىرۋ جونىندەگى ۇسىنىستارىن دا تىڭدادى.
دەپۋتات ماحامبەت اۋدانىندا 22 گەكتار جىلىجاي قۇرىلىسىنىڭ بارىسىن تەكسەردى. ونداعى جۇمىسشىلار سەناتورعا بيىل 4 گەكتار جەر پايدالانۋعا بەرىلەتىنىن حابارلادى. جىلىجايدى تولىققاندى ىسكە قوسۋ جىلىنا شامامەن 350 توننا قيار مەن قىزاناق وندىرۋگە, سونداي-اق اۋدان تۇرعىندارىن جۇمىسپەن قامتاماسىز ەتۋگە مۇمكىندىك بەرەدى.
«اۋىلدى دامىتۋ ءۇشىن زاماناۋي تەحنولوگيالاردى ەنگىزۋ عانا ەمەس, كادر تاپشىلىعى پروبلەمالارىن شەشۋ, ونىڭ ىشىندە جەرگىلىكتى مامانداردى دايارلاۋ ماڭىزدى بولىپ وتىر. بۇگىنگى تاڭدا جۇمىس قولى جەتىسپەيتىن وڭىرلەردەگى جاعدايدى جاقسارتۋ ءۇشىن «ەڭبەك» مەملەكەتتىك باعدارلاماسى ىسكە اسىرىلىپ جاتىر», دەدى ساعىندىق لۇقپانوۆ.
سەناتور سونىمەن قاتار پوليەتيلەن مەن پوليپروپيلەن ءوندىرۋ جوباسىن ىسكە اسىرۋ بارىسىمەن تانىستى. «قازاقستاننىڭ 30 كورپوراتيۆتىك كوشباسشىسى» باعدارلاماسىنا ەنگەن جوبانىڭ ءوڭىر مەن سالا ءۇشىن ماڭىزى زور. ونى ىسكە اسىرۋ ناتيجەسىندە قۇرىلىس كەزىندە 3000-نان استام جۇمىس ورنىن جانە پايدالانۋ بارىسىندا 500-دەن استام جۇمىس ورنىن اشۋ جوسپارلانىپ وتىر.
دەپۋتات بۇل سالانى دامىتۋعا ەرەكشە كوڭىل ءبولىنىپ وتىرعانىن اتاپ ءوتتى. سەناتور جاقىندا ەلىمىزدىڭ پرەمەر-ءمينيسترىنىڭ اتىنا دەپۋتاتتىق ساۋال جولداپ, مۇناي-گاز حيمياسى ونەركاسىبىن دامىتۋ ءۇشىن ناقتى شارالار قابىلداۋدىڭ ماڭىزدىلىعىن اتاپ كورستەكەن بولاتىن. جاقىندا ۇكىمەت بيىلعى جىلى ەلىمىزدە مۇناي-گاز حيمياسى سالاسىن دامىتۋ جونىندەگى ۇلتتىق جوبانى ازىرلەۋ تۋرالى شەشىم قابىلدادى.
