مەملەكەتتىك قىزمەتكەرلەردىڭ ءىسساپار ەرەجەسى وزگەردى

قازاقستان رەسپۋبليكاسى ۇكىمەتىنىڭ 2021 جىلعى 4 تامىزداعى №514 قاۋلىدا تومەندەگىدەي وزگەرىستەر بار:

5-تارماق مىناداي رەداكتسيادا جازىلسىن:

«5. وسى قاعيدالاردا مىناداي ۇعىمدار پايدالانىلادى:

1) جىبەرۋشى مەملەكەتتىك ورگان – مەملەكەتتىك قىزمەتشىنى قازاقستان رەسپۋبليكاسىنىڭ شەت ەلدەگى مەكەمەسىنە جۇمىسقا ىسساپارعا بارۋ تارتىبىمەن جىبەرەتىن قازاقستان رەسپۋبليكاسىنىڭ مەملەكەتتىك ورگانى;

2) ۋاكىلەتتى ورگان – قازاقستان رەسپۋبليكاسىنىڭ سىرتقى ساياسات سالاسىنداعى ۋاكىلەتتى مەملەكەتتىك ورگانى;

3) ىسساپارعا جىبەرىلگەن مەملەكەتتىك قىزمەتشى – قازاقستان رەسپۋبليكاسىنىڭ شەت ەلدەگى مەكەمەسىنە ىسساپارعا بارۋ تارتىبىمەن جۇمىسقا جىبەرىلگەن مەملەكەتتىك قىزمەتشى.»;

11-تارماق الىپ تاستالسىن;

12-تارماق مىناداي رەداكتسيادا جازىلسىن:

«12. قازاقستان رەسپۋبليكاسىنىڭ شەت ەلدەگى مەكەمەلەرىنە ىسساپارعا جىبەرىلگەن مەملەكەتتىك قىزمەتشىلەر قىزمەتىنىڭ, ولاردىڭ تيىمدىلىكتىڭ نەگىزگى كورسەتكىشتەرى نەگىزىندە ەسەپتەلەتىن قىزمەت ناتيجەلەرىن تالداۋ, سونداي-اق ولاردىڭ ەسەپ بەرۋ ءتارتىبى ۋاكىلەتتى ورگانمەن كەلىسۋ بويىنشا جىبەرۋشى مەملەكەتتىك ورگانداردىڭ بۇيرىقتارىمەن ايقىندالادى. تيىمدىلىكتىڭ نەگىزگى كورسەتكىشتەرىندە ماقساتتارعا قول جەتكىزۋ ينديكاتورى قامتىلۋعا ءتيىس جانە ولار ىسساپارعا جىبەرىلگەن مەملەكەتتىك قىزمەتشىنى قازاقستان رەسپۋبليكاسىنىڭ شەت ەلدەگى مەكەمەسىنە جىبەرگەن كۇننەن باستاپ ءبىر ايدان كەشىكتىرىلمەي بەكىتىلۋگە جاتادى»;

12-1-تارماق الىپ تاستالسىن;

13-تارماقتا: ءبىرىنشى ابزاتس مىناداي رەداكتسيادا جازىلسىن:

«13. جىبەرۋشى مەملەكەتتىك ورگان ۋاكىلەتتى ورگانعا وسى قاعيدالاردىڭ 10-تارماعىندا بەلگىلەنگەن ءتيىستى تالاپتارعا سايكەس كەلەتىن مەملەكەتتىك قىزمەتشىنى قازاقستان رەسپۋبليكاسىنىڭ شەت ەلدەگى مەكەمەسىنە ىسساپارعا جىبەرۋ تۋرالى ۇسىنىسپەن نەگىزدەلگەن حاتتى, سونداي-اق قازاقستان رەسپۋبليكاسىنىڭ شەت ەلدەگى مەكەمەسىنە ىسساپارعا جىبەرۋ ۇسىنىلاتىن كانديداتقا قاتىستى مىناداي قۇجاتتاردى ۇسىنادى:»;

5) تارماقشا الىپ تاستالسىن;

14-تارماقتىڭ ءبىرىنشى بولىگى مىناداي رەداكتسيادا جازىلسىن:

«14. ۋاكىلەتتى ورگان ون بەس جۇمىس كۇنىنەن اسپايتىن مەرزىمدە قۇجاتتاردى تەكسەرۋدى جانە دايىندىق دەڭگەيى مەن وسى قاعيدالاردىڭ 10-تارماعىندا كوزدەلگەن تالاپتارعا سايكەستىگىن انىقتاۋ ءۇشىن ىسساپارعا جىبەرىلەتىن كانديداتپەن اڭگىمەلەسۋ جۇرگىزەدى».

2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.