اتىراۋ قالاسى اكىمدىگىنىڭ ءباسپاسوز قىزمەتىنىڭ اقپاراتىنا قاراعاندا, كارانتين كەزىندە دەمالىس بازاسىنىڭ بىرىندە ۇيلەنۋ تويى 8 تامىزدا وتكەن.
«مونيتورينگتىك توپ اۋەدەن تۇسىرىلگەن ۆيدەو ارقىلى بەرەكە اۋىلىنداعى دەمالىس بازاسىنىڭ بىرىندە ءوتىپ جاتقان ۇيلەنۋ تويدى انىقتادى. اۋەدەن تۇسىرىلگەن ۆيدەودا دەمىلىس بازاسىنىڭ اۋماعىندا كوپ كولىكتىڭ تۇرعانى بايقالدى. توپ مۇشەلەرى دەمالىس بازاسىنا بارعاندا 90-عا جۋىق قوناقتىڭ قاتىسۋىمەن ۇيلەنۋ تويى ءوتىپ جاتقانىن تىركەدى. دەمالىس بازاسىنىڭ اكىمشىسى كارانتين شەكتەۋىنە قاراماستان سالتاناتتى ءىس-شارا وتەتىن نىساندى جالعا بەرگەنىن مويىندادى», دەپ حابارلادى اكىمدىكتىڭ ءباسپاسوز قىزمەتى.
