2021 جىلعى 29 شىلدەدە «كاسىپكەرلىك وبەكتىلەرىندە «Ashyq» جوباسىن ەنگىزۋ تۋرالى» قازاقستان رەسپۋبليكاسى باس مەملەكەتتىك سانيتاريالىق دارىگەرىنىڭ №33 قاۋلىسى (بۇدان ءارى – №33 بمسدق) قابىلداندى.
«Ashyq» جوباسىنا قاتىساتىن الەۋمەتتىك-ەكونوميكالىق وبەكتىلەردىڭ قىزمەتىن شەكتەۋ كريتەريلەرىنە (№33 بمسد-عا 4-قوسىمشا) سايكەس سوو «جاسىل» جانە «سارى» ايماقتاردا شەكتەۋسىز جۇمىس ىستەۋ رەجيمىمەن جوباعا قاتىسۋعا جىبەرىلدى, «قىزىل» ايماقتاردا سەنبى جانە جەكسەنبى كۇندەرى ساعات 10.00-دەن 22.00-گە دەيىن جۇمىس ىستەۋگە رۇقسات, «قوڭىر قىزىل» ايماقتا ساعات 07.00-دەن 20.00-گە دەيىن قىزمەت كورسەتە الادى.
بۇل رەتتە, №33 بمسدق-نىڭ 9-تارماعىنا سايكەس 2021 جىلعى 2 تامىزدان باستاپ 5 وڭىردە – نۇر-سۇلتان, الماتى, شىمكەنت, اتىراۋ جانە قاراعاندى قالالارىندا دەمالىس كۇندەرىنە شەكتەۋ شارالارى ەنگىزىلدى.
№33 بمسدق-نىڭ 11-تارماعىنا سايكەس ءتيىستى اۋماقتاعى كولىكتەگى باس مەملەكەتتىك سانيتاريالىق دارىگەرلەر «Ashyq» جوباسىن ىسكە اسىرۋ ماسەلەلەرى بويىنشا اتالمىش قاۋلىنى باسشىلىققا الادى جانە «جاسىل», «سارى», «قوڭىر قىزىل» ايماقتارداعى جوباعا قاتىسۋشىلارعا قاتىستى كارانتيندىك شارالاردى قاتاڭداتۋ تۋرالى شەشىم قابىلداۋعا قۇقىلى ەمەس.
سونىمەن قاتار «قوڭىر قىزىل» ايماقتاردا 2021 جىلعى 9 تامىزدان باستاپ «Ashyq» كوشباسشىلارى» مارتەبەسى بار نىساندارعا ساعات 00.00-گە دەيىن, باسقا نىساندارعا («Ashyq» قاتىسۋشىلارىنا) ساعات 22.00-گە دەيىن جۇمىس جاساۋعا رۇقسات بەرىلدى.
