«جولدارداعى قاۋىپسىزدىك دەڭگەيىن انىقتايتىن كەلەسى فاكتور – بۇل اۆتوكولىكتىڭ تەحنيكالىق جاعدايى. قازىر ەلىمىزدەگى ءاربىر ءۇشىنشى اۆتوبۋس جيىرما جىلدان استام ۋاقىت بويى پايدالانىلىپ كەلەدى. اۆتوبۋس جۇرگىزۋشىلەرىنىڭ كىناسىنەن 228 جكو ورىن الدى, وندا 16 ادام قازا تاۋىپ, 299 ادام جاراقات الدى. ەسكى اۆتوبۋستاردىڭ باسىم بولىگى جەكە تۇلعالاردىڭ يەلىگىندە», دەدى سەرىك ءتۇسىپوۆ ءىىم-دە وتكەن بريفينگتە.
ونىڭ ايتۋىنشا, جىل سايىن پوليتسيا قىزمەتكەرلەرى تۇراقتى ەمەس تاسىمالداۋ ءۇشىن پايدالانىلاتىن قايتا جابدىقتالعان اۆتوبۋستاردى پايدالانۋدىڭ 500-700-گە جۋىق فاكتىسىن انىقتايدى, بۇل دا اۆتوموبيل تاسىمالى سالاسىندا بەلگىلى ءبىر قاۋىپ-قاتەر تۋعىزادى.
«جىل باسىنان بەرى تەحنيكالىق اقاۋلى نەمەسە زاڭسىز قايتا جابدىقتالعان اۆتوكولىكتى باسقارۋدىڭ 55 مىڭ فاكتىسى انىقتالدى, بۇل وتكەن جىلمەن سالىستىرعاندا 20%-عا ارتىق», دەدى س.ءتۇسىپوۆ.
