قۇقىق قورعاۋ ورگاندارىنىڭ قىزمەتكەرلەرى ۇنەمى ءتۇسىندىرۋ جۇمىستارىن جۇرگىزىپ وتىرادى.
قارۋ مەن وق-دارىلەرگە بوگدە ادامداردىڭ كىرۋىنە جول بەرمەۋ قاجەت. ولار ق ۇلىپپەن جابىلاتىن سەيفتەردە نەمەسە مەتالل شكافتاردا, بەرىكتىگى جوعارى ماتەريالداردان جاسالعان جاشىكتەردە, تەمىرمەن قاپتالعان اعاش جاشىكتەردە بولۋى ءتيىس. سەيفتى, شكافتى نەمەسە قارۋ ساقتاۋعا ارنالعان جاشىكتى ەدەنگە نەمەسە قابىرعاعا بەكىتۋ كەرەك. ءۇي-جايدى كۇزەت سيگناليزاتسياسىمەن جابدىقتاۋ قاجەت.
تاسىمالداۋ كەزىندە قارۋ وقتالماعان جانە فۋتليارعا, قاپقا بۋىپ-ءتۇيىلۋى ءتيىس. ال پاتروندار پاتروننيككە, نەمەسە بارابانعا جىبەرىلمەي, قارۋمەن بىرتىعىنعا بۋىپ-ءتۇيىلۋى قاجەت.
تۇرعىلىقتى جەرىن اۋىستىرعان كەزدە قارۋدىڭ يەسى تىركەلگەن جەرى بويىنشا ءىىو قارۋدى ەسەپتەن شىعارۋ تۋرالى وتىنىشپەن جۇگىنۋى ءتيىس. ال جاڭا تۇرعىلىقتى جەرىنە كەلگەننەن كەيىن ول قارۋدى ەسەپكە قويۋ ءۇشىن 10 كۇن ىشىندە ءىىو جۇگىنۋگە مىندەتتى.
ازاماتتارعا تابىلعان قارۋدى ساقتاۋعا, پايدالانۋعا تىيىم سالىنادى. مۇنداي قارۋدى دەرەۋ ىشكى ىستەر ورگاندارىنا تاپسىرۋ قاجەت. قارۋ مەن وق-دارىلەردىڭ اينالىمى ءتارتىبىن بۇزعان ادامدار اكىمشىلىك جاۋاپكەرشىلىككە تارتىلادى. جەكەلەگەن جاعدايدا ولارعا 1 جىل مەرزىمگە قارۋدى ساقتاۋ مەن الىپ جۇرۋگە رۇقساتتاردىڭ كۇشىن جويۋ, سونداي-اق قارۋدى تاركىلەۋ قاراستىرىلادى.
