«6 تامىز كۇنى ساعات 17:20-دا ارىس ستانتسياسىنىڭ پلاتفورماسىندا سارى فوسفورى بار جۇكتىڭ جانۋىنا بايلانىستى «قازگيدرومەت» رمك-نىڭ تۇركىستان وبلىسى بويىنشا فيليالىنىڭ مونيتورينگ زەرتحاناسى, جوسپاردان تىس ىرىكتەۋ جانە اتموسفەرالىق اۋا سىنامالارىن اناليزدەۋ ءۇشىن ارىس قالاسىنا باردى», دەلىنگەن حابارلامادا.
ءورت شىققان ناۋرىز شاعىناۋدانى قالانىڭ وڭتۇستىك-باتىس بولىگىندە ورنالاسقان. قالا تۇرعىندارىنىڭ سانى 1700 ادامدى قۇرايدى. لاستاۋشى زاتتاردىڭ شوعىرلانۋى كەلەسى حيميالىق قوسىلىستار بويىنشا ولشەندى: قالقىما زاتتار, ازوت ديوكسيدى, كۇكىرت ديوكسيدى, كومىرتەك وكسيدى, كۇكىرتتى سۋتەك, فورمالدەگيد جانە اممياك.
ولشەۋ 6 نۇكتەدە جۇرگىزىلدى. ولار:
№1 نۇكتە: قازىبەك بي كوشەسى, ورتالىق الاڭ (ت/ج ۆوكزالى اۋدانىندا).
№ 2 نۇكتە: وركەندەۋ ك-ءسى, ناۋرىز ش/ا, ىرىكتەۋ ۋاقىتى 14:15.
№ 3 نۇكتە: قالانىڭ سولتۇستىك بولىگى.
№ 4 نۇكتە: ە.مولداباەۆ اتىنداعى ورتا مەكتەپ., ماداليەۆ ك-ءسى.
№ 5 نۇكتە: ورتالىق اۋداندىق اۋرۋحانانىڭ جانى, جۇماباەۆ ك-ءسى.
№ 6 نۇكتە: اۋدان اكىمدىگىنىڭ جانى, ەركوبەك ك-ءسى.
«زەرتتەۋ ناتيجەلەرى بويىنشا شەكتى رۇقسات ەتىلگەن شوعىرلانۋدان اسىپ كەتۋ انىقتالعان جوق. رادياتسيالىق فوننىڭ دەڭگەيى نورما شەگىندە», دەيدى سينوپتيكتەر.
سارى فوسفور – وتە ۋلى (اۋاداعى شرك 0,0005 مگ/م3), سپەتسيفيكالىق سارىمساق ءيىستى زات. سۋدا ەرىمەيدى, اۋادا تەز توتىعادى جانە فوسفور وكسيدىنىڭ اق ءتۇتىنىن ءتۇزىپ, وزدىگىنەن جانادى.
