جاقىندا كامەلەتكە تولماعاندار ىستەرى جونىندەگى مامانداندىرىلعان اۋدانارالىق سوتتىڭ ۇكىمىمەن 2 بورىشكەر قىلمىستىق كودەكستىڭ 139 بابىنا (اليمەنت تولەۋدان جالتارۋ) سايكەس كىنالى دەپ تانىلىپ, 1 جىلعا بوستاندىعى شەكتەلىپ, تاعايىندالعان بارلىق مەرزىمگە پروباتسيالىق باقىلاۋ قويىلىپ, 100 ساعات ءماجبۇرلى ەڭبەككە تارتىلدى. ۇكىمدەر زاڭدى كۇشىنە ەندى.
بورىشكەرلەردىڭ اليمەنت بويىنشا بەرەشەك سومالارى تيىسىنشە 924 733 تەڭگەنى جانە 1 653 260 تەڭگەنى قۇرادى. ولار بىرنەشە جىل بويى كامەلەتكە تولماعان بالالارىن اسىراۋ ءۇشىن اليمەنت تولەمەگەن.
بيىلدىڭ ءبىرىنشى جارتىسىندا قۇقىق قورعاۋ ورگاندارى 76 بورىشكەرگە قاتىستى قىلمىستىق ءىس قوزعاپ, ونىڭ 7-ەۋى «كوكەك اكەلەردىڭ» بەرەشەك سوماسىن ىلە تولىق تولەۋىنە وراي توقتاتىلعان.
سونىمەن قاتار تۇراقتى نەگىزدە بورىشكەرلەردى جۇمىسقا ورنالاستىرۋ ءىس-شارالارى وتكىزىلۋدە. وتكەن التى ايدا 230 بورىشكەر جۇمىسقا ورنالاستىرىلعان. وسىلايشا, ادىلەت دەپارتامەنتى اتقارعان جۇمىستىڭ ناتيجەسىندە پروبلەمالى اليمەنت تولەمەۋشىلەر سانى 12 پايىزعا ازايعان.
«ەگەمەن-اقپارات»
