ونى تىركەگەندەر – ليتۆادا قازاقتىڭ ۇلتتىق ويىنىن ناسيحاتتاپ جۇرگەن ەرلى-زايىپتىلار – ايداس جانداريس جانە رامۋتە جانداريەنە.
بىرنەشە جىلدان بەرى قازاقستاننىڭ ليتۆاداعى ەلشىلىگى دۇنيەجۇزىلىك توعىزقۇمالاق فەدەراتسياسىمەن جانە ليتۆالىق سەرىكتەستەرمەن ىنتىماقتاسا وتىرىپ, اتالعان ەلدە قازاقتىڭ زياتكەرلىك ويىنىن تانىستىرۋ بويىنشا تىنىمسىز جۇمىس جۇرگىزىپ كەلەدى. ليتۆالىق وقۋشىلار مەن ستۋدەنتتەردى توعىزقۇمالاق ويىنىڭ قىر-سىرىنا ۇيرەتەتىن بويىنشا شەبەرلىك ساباعى تۇراقتى تۇردە وتكىزىلىپ تۇرادى.
2019 جىلى ا. جانداريس پەن ر. جانداريەنە قازاقستان ەلشىلىگىمەن جانە دۇنيەجۇزىلىك فەدەراتسيامەن بىرلەسىپ العاش رەت ليتۆا تىلىندە ويناۋعا ارنالعان ادىستەمەلىك قۇرال شىعارىپ, ونى «مەكتەپ» ءىرى ايماقتىق كورمەسىندە جۇرت نازارىنا ۇسىندى.
كونە ويىن ليتۆادا بەلسەندى دامىپ كەلەدى جانە جانكۇيەرلەردىڭ ساناسىن جاۋلاپ الۋدا. ليتۆادا وسى كۇنگە دەيىن توعىزقۇمالاقتان 2 جارىس وتكىزىلدى. قىزىعۋشىلىق تانىتقاندار قازاقستاندا جاسالعان تاقتالاردى ءۆيلنيۋستىڭ ەسكى قالاسىنىڭ ءدال ورتالىعىندا, جانداريستاردىڭ كىتاپ دۇكەنىنەن ساتىپ الادى.
فەدەراتسيا قۇرىلتايشىلارى ونىڭ اشىلۋىن قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارناپ, ويىندى ارى قاراي دامىتىپ قانا قويماي, جاقىن ارادا قازاقستانداعى ويىن شەبەرلەرىنە ەلەۋلى باسەكەلەستىك جاساۋدى جوسپارلاپ وتىر.
