وڭىرلىك كوممۋنيكاتسيالار قىزمەتىندە وتكەن بريفينگتە باس سانيتارلىق دارىگەر قالاداعى ەپيدەميولوگيالىق جاعدايدىڭ وتە شيەلەنىستى ەكەنىن ايتتى. 28 شىلدەدەن باستاپ كۇنىنە 1500-دەن استام ادام انىقتالىپ جاتىر. ناۋقاستاردىڭ 90%-ى «دەلتا» شتامىن جۇقتىرعان, دارىگەرلەر «بريتاندىق» جانە «ۋحان» شتامدارىن اراكىدىك انىقتالاتىنىن ايتادى.
قالادا كوروناۆيرۋستىڭ ءتورتىنشى تولقىنى باستالدى. تولقىننىڭ شىڭى تامىز ايىنىڭ ورتاسىنا ساي كەلەدى دەپ كۇتىلەدى.
بەكشين اۋرۋدىڭ تارالۋى «دەلتا» شتامىنىڭ جوعارى جۇقپالى بولۋىنا, سونداي-اق حالىقتىڭ شەكتەۋ شارالارىن ساقتاماۋىنا بايلانىستى ەكەنىن ايتتى, ياعني ادامدار بەتپەردە تاقپايدى, الەۋمەتتىك قاشىقتىقتى ساقتامايدى. ول الماتىلىقتاردى كارانتيندى ساقتاۋعا, سونداي-اق ەكپە الۋعا شاقىردى.
