سونداي-اق جىل باسىنان بەرى قانشا تۇلعاعا قاتىستى ءىس قوزعالعانىن باياندادى.
اگەنتتىك تەرگەۋشىسىنىڭ ايتۋىنشا, 2021 جىلدىڭ وتكەن كەزەڭىندە 921 سوتقا دەيىنگى تەرگەپ-تەكسەرۋ تىركەلگەن. ونىڭ 725-ءى سوتقا جىبەرىلىپتى.
«اتالعان قىلمىستىق ىستەر بويىنشا 110 لاۋازىمدى تۇلعا ۇستالدى, 101 ادامعا قاتىستى «كۇزەتپەن ۇستاۋ» جانە 26 ادامعا قاتىستى «ۇيقاماق» بۇلتارتپاۋ شاراسى قولدانىلدى», دەدى تەرگەۋشى دانيار بەكايداروۆ.
سونىمەن قاتار بيىل 7 اي ىشىندە سىبايلاس جەمقورلىققا قارسى قىزمەت مەملەكەتتىك ورگاندارعا قىلمىستىق قۇقىق بۇزۋشىلىق جانە باسقا دا زاڭ بۇزۋشىلىقتار جاساۋعا ىقپال ەتكەن ءمان-جايلاردى جويۋ بويىنشا 567 ۇسىنىس ەنگىزگەن.
قاراۋ ناتيجەلەرى بويىنشا 429 ادام تارتىپتىك جانە اكىمشىلىك جاۋاپكەرشىلىككە تارتىلىپتى (سوگىس – 151, قاتاڭ سوگىس – 78, قىزمەتكە تولىق سايكەس ەمەستىگى تۋرالى ەسكەرتۋ – 58, ەسكەرتۋ – 54, جۇمىستان بوساتۋ – 46, اتقاراتىن لاۋازىمىنان بوساتۋ – 33, لاۋازىمىن تومەندەتۋ – 4, اكىمشىلىك. جاۋاپكەرشىلىك – 5).
«بۇل كەزەڭ ىشىندە بارلىعى 520 تۇلعا سوتتالدى, 131 تۇلعا پارا العانى ءۇشىن ءىستى بولسا, 222 ادام – پارا بەرگەنى ءۇشىن, 12-ءى – دەلدالدىق ءۇشىن, 71 – الاياقتىق, 35 – ۇرلاۋ, 32 – لاۋازىمدىق وكىلەتتىكتەردى تەرىس پايدالانۋ, 9 ادام بيلىكتى نەمەسە لاۋازىمدىق وكىلەتتىكتەردى اسىرا پايدالانعانى ءۇشىن جازا ارقالادى», دەپ اتاپ ءوتتى تەرگەۋشى.
