كورنەكى سۋرەت
يندۋستريالاندىرۋدىڭ ءۇشىنشى كەزەڭى ەكسپورتقا باعدارلانعان جوبالاردى دامىتۋعا باعىتتالعان. بۇل بەس جىلدا مەملەكەتتىك قولداۋ شارالارى ىشكى نارىقتى ساپالى ونىممەن تولىقتىرۋعا جانە ەكسپورتتاۋعا باعىتتالادى.
باستى نازار تەرەڭ وڭدەۋ دەڭگەيى مەن قوسىلعان قۇننىڭ جوعارى دەڭگەيى بار ءونىم شىعارۋدى قولداۋعا اۋدارىلادى.
قوستاناي وبلىسىندا ءىرى ماشينا جاساۋ كلاستەرىن قالىپتاستىرۋ بويىنشا اۋقىمدى جوبا ىسكە قوسىلادى. وندا اۋىل شارۋاشىلىعى تەحنيكاسى مەن اۆتوموبيلدەرىن وندىرۋگە ارنالعان كومپونەنتتەر, بولشەكتەر مەن توراپتاردىڭ مىڭعا جۋىق اتاۋى شىعارىلادى. وسى جەردە قوستاناي ونەركاسىپتىك ايماعىندا «كاماز» قوزعالتقىشتارىنا ارنالعان جيناقتاۋىشتاردىڭ قۇيۋ ءوندىرىسىنىڭ قۇرىلىسى باستالدى.
بيىل «Kaspy Service» جشس مۇنارا كراندارى مەن ليفتىلەر شىعاراتىن زاۋىتتىڭ, «United Energy Qazaqstan» جشس جەل گەنەراتورلارىن شىعاراتىن زاۋىتتىڭ, «سايمان كورپوراتسياسى» جشس اسپاپ جاساۋ زاۋىتىنىڭ قۇرىلىسىن باستاۋدى جوسپارلاپ وتىر.
ەۋروپانىڭ, جاپونيانىڭ, كانادانىڭ, اقش-تىڭ دامىعان نارىقتارى ەكولوگيالىق تازا ونىمدەر مەن كولىك ءوندىرىسىن دامىتۋعا ەرەكشە نازار اۋدارادى. بۇل ءبىزدىڭ ەلىمىز ءۇشىن دە ماڭىزدى.
قر پرەزيدەنتىنىڭ «قازاقستاننىڭ ءۇءشىنشى جاڭعىرۋى: جاھاندىق باسەكەگە قابىلەتتىلىك» جولداۋىندا قر يدم-گە ەكسپورتقا باعدارلانعان ەلەكتروموبيلدەر ءوندىرىسىن ودان ءارى دامىتۋ, قاجەتتى ينفراقۇرىلىم قۇرۋ ماسەلەسىن پىسىقتاۋ تاپسىرىلدى. بۇل تاپسىرما ءساتتى ورىندالىپ جاتىر.
قازاقستاندىق «سارىارقااۆتوپروم» زاۋىتى JAC iEv7S ەلەكتروموبيلىنىڭ سەريالىق ءوندىرىسىن ىسكە قوسۋعا دايىندالىپ جاتىر. ەاەو-نىڭ بارلىق اۋماعىندا ءاۆتوموبيلدى اينالىمعا شىعارۋعا مۇمكىندىك بەرەتىن كەدەن وداعىنىڭ كولىك قۇرالىن ماقۇلداۋ سەرتيفيكاتى الىندى. حالىق اراسىندا مودەلدى تانىمال ەتۋ ءۇشىن ساتۋ كولەمىن دامىتۋعا باعىتتالعان ىنتالاندىرۋن شارالارى دايىندالۋدا.
مەملەكەت باسشىلىعى قر يندۋستريا جانە ينفراقۇرىلىمدىق دامۋ مينيسترلىگىنىڭ الدىنا ءۇشىنشى بەسجىلدىققا ماڭىزدى ينديكاتورلار قويىپ وتىر. 2025 جىلعا قاراي ماشينا جاساۋ مەن وڭدەۋ ونەركاسىبىندە ەكسپورتتىق كولەم ەكى ەسە, ەڭبەك ونىمدىلىگىنىڭ ناقتى ءوسىمى 1,6 ەسە, نەگىزگى كاپيتالعا سالىناتىن ينۆەستيتسيالار 1,6 ەسە وسۋگە ءتيىس. وتاندىق ماشينا جاساۋ سالاسىنىڭ الەۋەتى زور. يمپورتتى الماستىرۋ ەسەبىنەن عانا 16,5 ملرد اقش دوللارىنان استام كولەمدە تاۋار ءوندىرۋگە بولادى.
