«سامۇرىق قازىنا» اقپارات الاڭىندا وتكەن بريفينگىدە «قازاقستان تەمىر جولى» ۇك» اق باسقارما توراعاسىنىڭ ورىنباسارى ورالحان قۇلاقوۆ بىلتىرعىمەن سالىستىرعاندا جۇك تاسىمالىندا ءوسىم بار ەكەنىن اتادى.
«وتكەن ايدا «قتج» جەلىسى بويىنشا 147 ملن توننادان استام جۇك تيەلدى. بۇل وتكەن جىلمەن سالىستىرعاندا 4,4 ملن توننا ارتىق. رەسپۋبليكا ىشىندە 95,3 ملن توننادان استام, ال ەكسپورتقا 52,1 توننادان استام جۇك تاسىمالدانعان. بىلتىرعى قاڭتار-شىلدەمەن سالىستىرعاندا قازاقستان مەن قىتاي اراسىنداعى جۇك تاسىمالداۋ كولەمى 5 پايىز ءوسىپ, 12,7 ملن تونناعا جەتتى. ەكى ەل اراسىنداعى تاسىمالداردى ارتتىرۋدىڭ العىشارتتارىنىڭ ءبىرى – جۇكتەردى كونتەينەرلەرگە تيەۋ», دەدى «قتج» وكىلى.
سونداي-اق ول قازىر ۇكىمەت دەڭگەيىندە بيزنەس قاۋىمداستىقتاردىڭ, «قتج» جانە باسقا دا مۇددەلى تاراپ وكىلدەرىنىڭ قاتىسۋىمەن جۇكتەردى كونتەينەرلەۋ تۋرالى جول كارتاسى ازىرلەنىپ جاتقانىن ايتتى.
«كونتەينەرلەۋ ماسەلەسىنە كەڭىنەن توقتالعىم كەلەدى. بۇگىندە وسىنداي فۋندامەنتالدى ءتاسىل كەرەك. تاسىمالداۋشىلاردىڭ ءبارىن قازىر قىتاي باعىتىنا جۇك جونەلتۋ بويىنشا پروبلەما بار», دەدى «قتج» باسقارما توراعاسىنىڭ ورىنباسارى.
