دسدرو 1994 جىلى الماتىدا دەنساۋلىق ساقتاۋدىڭ مەديتسينالىق جانە ەكونوميكالىق پروبلەمالارىنىڭ عىلىمي ورتالىعى بولىپ قۇرىلدى. ورتالىقتىڭ قۇقىقتىق ميراسقورى – دەنساۋلىق ساقتاۋدى دامىتۋ ينستيتۋتى استاناعا كوشىرىلىپ, 2011 جىلى رەسپۋبليكالىق اقپاراتتىق-تالداۋ ورتالىعىمەن بىرىگۋ ارقىلى رەسپۋبليكالىق دەنساۋلىق ساقتاۋدى دامىتۋ ورتالىعى اتاۋىن الدى. ورتالىق قىزمەتىندەگى ماڭىزدى باعىتتاردىڭ باستاۋىندا ساليدات قايىربەكوۆا تۇردى.
«تاۋەلسىز قازاقستاننىڭ دەنساۋلىق ساقتاۋ جۇيەسىنىڭ دامۋ تاريحىندا قر دەنساۋلىق ساقتاۋ ءمينيسترى ساليدات زەكەنقىزى قايىربەكوۆانىڭ ءرولى ەرەكشە. ساليدات زەكەنقىزى قاتارداعى دارىگەر-نەۆروپاتولوگتان باستاپ قازاقستان رەسپۋبليكاسىنىڭ دەنساۋلىق ساقتاۋ مينيسترىنە دەيىن, ەلىمىزدىڭ دەنساۋلىق ساقتاۋ جۇيەسىنىڭ بارلىق دەڭگەيلەرىنەن ءوتتى. تەرەڭ كاسىبي ءبىلىمى, ۇيىمداستىرۋشىلىق قابىلەتى, كوشباسشىلىق قاسيەتى مەن جاۋاپكەرشىلىك, ويلاۋ وتكىرلىگى, قاراپايىمدىلىعىنىڭ ارقاسىندا ساليدات زەكەنقىزى قر دەنساۋلىق ساقتاۋ جۇيەسىن دامىتۋ جولىندا كۇردەلى مىندەتتەردى شەشىپ, ءتيىمدى كوماندا قۇرا الدى, سونداي-اق مەديتسينالىق ورتادا جوعارى بەدەلگە يە بولا ءبىلدى», دەپ اتاپ ءوتتى قر دەنساۋلىق ساقتاۋ ءمينيسترى الەكسەي تسوي.
قازاقستان رەسپۋبليكاسىنىڭ العاشقى دەنساۋلىق ساقتاۋ ايەل-ءمينيسترى, قر مەملەكەت جانە قوعام قايراتكەرى, دەنساۋلىق ساقتاۋ سالاسىنداعى قايراتكەر, مەديتسينا عىلىمدارىنىڭ دوكتورى س. قايىربەكوۆا ءوز ءومىرىن حالىققا قىزمەت ەتۋ جولىنا ارنادى, وتاندىق دەنساۋلىق ساقتاۋ سالاسىنا زور ەڭبەك ءسىڭىردى.
«دەنساۋلىق ساقتاۋ سالاسىنداعى ەرەكشە ەڭبەگىن باعالاپ, س.ز. قايىربەكوۆانىڭ ەسىمىن ماڭگى ساقتاۋ ماقساتىندا دسدرو ۇجىمى دەنساۋلىق ساقتاۋ مينيسترلىگىنىڭ ارداگەرلەر كەڭەسىمەن, سونداي-اق مەديتسينالىق قوعامداستىق وكىلدەرىمەن بىرلەسە كەلە ورتالىققا ساليدات قايىربەكوۆانىڭ ەسىمىن بەرۋ تۋرالى قولداۋحاتپەن شىققان بولاتىن. ساليدات زەكەنقىزى بەرگەن دۇرىس باعىتتىڭ ارقاسىندا دەنساۋلىق ساقتاۋدى دامىتۋ رەسپۋبليكالىق ورتالىعى عىلىمي نەگىزدەلگەن تالداۋ, وزىق يننوۆاتسيالىق تەحنولوگيالاردى ازىرلەۋ جانە ەنگىزۋ, دەنساۋلىق ساقتاۋ سالاسىنىڭ جۇمىس ىستەۋى مەن حالىق دەنساۋلىعىنىڭ جاي-كۇيىنە تالداۋ جۇيەسىن قامتاماسىز ەتۋ, سالالىق اقپاراتتىق جۇيەنى دامىتۋ جانە ەلدەگى مەنەدجمەنت ينستيتۋتىن كۇشەيتۋ بويىنشا قازاقستان رەسپۋبليكاسىنداعى جەتەكشى ۇيىمعا اينالدى. بۇل ترانسفورماتسيا ءبىزدىڭ ورتالىق ءۇشىن دامۋدىڭ جاڭا كەزەڭى بولماق», دەدى «ساليدات قايىربەكوۆا اتىنداعى دەنساۋلىق ساقتاۋدى دامىتۋ ۇلتتىق عىلىمي ورتالىعى» شجق رمك باسقارما توراعاسى كامالجان نادىروۆ.
ورتالىق ءوز جۇمىسى بارىسىندا مەملەكەتتىك باعدارلامالاردى, جول كارتالارىن, سالالىق جوبالاردى جانە ءتۇرلى نورماتيۆتىك-قۇقىقتىق اكتىلەردى ازىرلەۋگە جانە ادىسنامالىق ىسكە اسىرۋعا قاتىسا وتىرىپ, وتاندىق دەنساۋلىق ساقتاۋ جۇيەسىن دامىتۋعا ۇلكەن ۇلەس قوستى. سونداي-اق, مەديتسينالىق قىزمەتتەردىڭ ساپاسى جونىندەگى بىرىككەن كوميسسيانىڭ جانە فورمۋليارلىق كوميسسيانىڭ جۇمىس ورگانى رەتىندە ولاردىڭ جۇمىسىن ساراپتامالىق-تالدامالىق سۇيەمەلدەۋدى قامتاماسىز ەتەدى.
ورتالىق, سونىمەن بىرگە, دەنساۋلىق ساقتاۋ سالاسىنداعى كادر رەسۋرستارى جونىندەگى ۇلتتىق ۇيلەستىرۋشى مىندەتىن اتقارادى. ورتالىق ددۇ, اقش اۋرۋلاردى باقىلاۋ جانە الدىن الۋ ورتالىقتارى, دەنساۋلىق ساقتاۋداعى ساپا جونىندەگى حالىقارالىق قوعام, بۇۇ بالالار قورى, كانادانىڭ حالىقارالىق دەنساۋلىق ساقتاۋ قوعامى, كورەيانىڭ دەنساۋلىق ساقتاۋ يندۋسترياسىن دامىتۋ ينستيتۋتى جانە ت.ب. سياقتى حالىقارالىق سەرىكتەستەرمەن ىنتىماقتاسادى.
ورتالىق الدىنا جاڭا ماقسات-مىندەتتەردى قويىپ وتىر. اتاپ ايتقاندا, العاشقى مەديتسينالىق-سانيتارلىق كومەكتى ادىسنامالىق سۇيەمەلدەۋ ورتالىعىن, ۇلتتىق جوبالاردى ىسكە اسىرۋ جونىندەگى جوبالىق كەڭسەنى, كلينيكالىق زەرتتەۋلەر جونىندەگى ۇيلەستىرۋ ورتالىعىن, تەحنولوگيالىق قۇزىرەتتەردىڭ سالالىق ورتالىعىن قۇرۋ. دسدرو-نى قايتا اتاۋ پروتسەسىنە مەملەكەتتىك بيۋدجەتتەن قوسىمشا شىعىن كوزدەلمەگەن.
