كەزدەسۋگە ءماسليحات دەپۋتاتتارى, زيالى قاۋىم, قوعامدىق ۇيىمدار مەن ساياسي پارتيالار, شاعىن جانە ورتا بيزنەس وكىلدەرى, سونداي-اق تۇركىستان جانە كەنتاۋ قالالارى بۇقارالىق اقپارات قۇرالدارىنىڭ وكىلدەرى قاتىستى.
سەناتورلار كەزدەسۋ كەزىندە وتكەن سەسسيا بارىسىندا ەلىمىزدىڭ دامۋى ءۇشىن اسا ماڭىزدى زاڭدار قابىلدانعانىن جانە بىرقاتار زاڭ پرەزيدەنت قاسىم-جومارت توقاەۆتىڭ تاپسىرمالارىن ىسكە اسىرۋ اياسىندا ازىرلەنگەنىن اتاپ ءوتتى.
ءماسليحات دەپۋتاتتارى مەن جۇرتشىلىق وكىلدەرى اۋىل شارۋاشىلىعى ماقساتىنداعى جەرلەردى جەكە مەنشىككە الۋ مەن جالعا بەرۋگە, جايىلىمداردى پايدالانۋعا, شاعىن جانە ورتا بيزنەستى دامىتۋعا بايلانىستى ماسەلەلەردى كوتەردى. سەناتورلار بۇل ماسەلەلەردى ودان ءارى شەشۋ ءۇشىن ءتيىستى مەملەكەتتىك ورگاندارمەن جۇمىس ىستەۋگە نيەتتەنىپ وتىرعانىن اتاپ ءوتتى.
