TOKYO2020 • 05 تامىز، 2021

مىرزاعالي ايتجانوۆ: ساكەن جەڭىلگەن جوق!

312 رەت كورسەتىلدى

بوكستان توكيو وليمپياداسىنىڭ قولا جۇلدەگەرى ساكەن بيبوسىنوۆتىڭ جەكە جاتتىقتىرۋشىسى مىرزاعالي ايتجانوۆ «Egemen Qazaqstan» گازەتىنە بەرگەن ارنايى سۇحباتىندا تورەشىلەردىڭ شەشىمىمەن كەلىسپەيتىنىن ايتىپ، الداعى جوسپارلارىمەن ءبولىستى.

فوتو: ۆلاديسلاۆ سەمەنوۆ، قازاقستان ۇوك

– مىرزاعالي قۇلان ۇلى، شاكىرتىڭىز وليم­پيادانىڭ قولا جۇلدەگەرى اتاندى. كەزدەسۋ قانداي دەڭ­گەيدە وتكەنىن بارلىعىمىز كوردىك. سوندا دا بۇل جەكپە-جەكتىڭ قورىتىندىسىن وزىڭىزدەن ەستى­سەك...

– ءبىز بريتاندىق جالال يافايدى جاقسى بىلەمىز. شاكىرتىم ءبىرجان جاقىپ ەكەۋى رينگتە كەزدەسكەن. وليمپياداعا بارلىعى جەڭىس ءۇشىن كەلەتىنى بەلگىلى. سول سەبەپتى قاي جەكپە-جەكتى الساق تا جەڭىس ءبىز ءۇشىن وڭاي كەلگەن جوق. جارتىلاي فينالداعى كەزدەسۋدە ساكەننىڭ قارسىلاسى ءا دەگەننەن-اق لاپ قويا بەردى. مۇندايدى كۇتپەگەن شاكىرتىم العا شابۋىلداپ كەتتى. بۇل ونىڭ قاتەلىگى ەدى. سونىڭ سالدارىنان بىرنەشە سوققىنى وتكىزىپ الدى. ونى نوكداۋن سانايتىن-سانامايتىنىن ءبىز شەشپەيمىز. تورەشى نوكداۋن دەگەندىكتەن، تورەشىلەر ءبىرىنشى راۋندتى قارسىلاسىنا بەرگەن دە بولار. دۇرىس. ال ەكىنشى جانە ءۇشىنشى راۋندتىڭ قالاي وربىگەنىن بۇكىل الەم كوردى عوي. جەكپە-جەكتەن سوڭ اعىلشىن باپكەرلەرى كەشىرىم سۇراپ جاتىر. ارىپتەسپىز. كىمنىڭ جەڭگەنىن، كىمنىڭ جەڭىلگەنىن جاقسى بىلەمىز عوي.

– ەكىنشى راۋندتا ساكەندى جىگەرلەندىرۋ ءۇشىن نە ايتتىڭىز؟

– ەكىنشى راۋندتان سوڭ ساكەنگە بار كۇشىڭدى سال، ارتىندا بارشا جۇرت ساعان سەنىم ارتىپ وتىر دەپ ايتتىم. دەگەنمەن وعان تاعار كىنا جوق. بارىن سالدى. شاكىرتتەرىم ءبىرجان مەن قايراتقا بۇيىرماعان مەدالدى موينىنا تاقتى. قانشاما جىگىتتەرىمىز جۇلدەسىز قالىپ جاتقاندا، بۇعان دا شۇكىرشىلىك ەتەمىز.

– ەڭبەك اقتالدى ما سونىمەن؟

– قانشا تەر توگىلدى، ەڭبەكتەندىك. بۇگىن فينالعا شىعىپ، كوك تۋىمىزدى جەلبىرەتەمىز دەگەن سەنىممەن كەلگەن ەدىم. ءوز باسىم، جەڭەتىنىنە دە سەنىمدى بولدىم. ەسەپ – 2:3، جەڭىس بىزگە بۇيىرمادى. نەگىزى، اعىلشىن بوكسشىسى تەك ءبىرىنشى راۋندتا جەڭدى. ول كەزدە ساكەن باس سالىپ، الدىعا جۇگىرىپ كەتتى. ال ودان كەيىن ءوز مانەرىندە جۇدىرىقتاسىپ، ءوز ويىنىن كورسەتتى. ساكەننىڭ بۇگىنگى جەكپە-جەگى تاماشا بولدى. ناعىز ەر جىگىتكە ءتان قايسارلىق بويىنان كورىندى. نەگە دەسەڭىز، ەكىنشى راۋندتان باستاپ جىگىتكە ءتان مىنەز كورسەتتى. ءۇشىنشى راۋندتا جەڭىستى ج ۇلىپ الدى. بىراق امال جوق، تورەشىلەر باسقاشا شەشتى.

– ساكەن قولا جۇلدە ءۇشىن ايقاستا مىقتى دەگەن بوكسشىلاردان باسىم تۇسكەنىن بىلەمىز. وسى جەكپە-جەكتەردى قىسقاشا ايتىپ بەرە الاسىز با؟

– ساكەن ءبىرىنشى اينالىمدا پۋەرتو-ريكو وكىلى يانكەل ريۆەرا فيگەروامەن كەزدەسىپ، 4:1 ەسەبىمەن قارسىلاسىن تىزە بۇكتىردى. ال ەكىنشى كەزدەسۋ ساكەن ءۇشىن وڭاي بولمادى. الەم چەمپيوناتىنىڭ قولا جۇلدەگەرى، فرانتسيانىڭ ءۇمىت ارتىپ وتىرعان بوكسشىلارىنىڭ ءبىرى. سول سەبەپتى، ەكى-ءۇش كۇن بويى تاكتيكالىق جاعىنان دايىندالدىق. بەرىلگەن تاپسىرمانىڭ بارلىعىن ورىنداپ شىقتى. قارسىلاسى ساكەنگە قاراعاندا، سالماقتى كوپ قۋاتىن جىگىت. ونى بايقاپ جۇردىك. سوندىقتان ءبىز جىلدامدىقتى ۇدەتۋگە باسىمدىق بەردىك. بۇل تۇرعىدان ءبىزدىڭ جوسپارىمىز ورىندالىپ، تورەشىلەر شەشىمىمەن ايقىن جەڭىسكە جەتتىك. ال شيرەك فينالدا يسپان بوكسشىسىمەن بولعان كەزدەسۋدە ونىڭ كىشىگىرىم قاتەلىكتەرى بولدى. قولمەن جۇمىس ىستەمەي، ءبىر ورىندا تۇرىپ قالدى. ەكىنشى راۋندتان سوڭ ونى جىگەرلەندىرۋ كەرەكتىگىن ءتۇسىندىم. وليمپياداعا نە ءۇشىن كەلگەنىن ايتتىم. بار كۇشىمەن ۇرىپ، قولىنان كەلگەنىن ايانباۋىن سۇرادىم. كەرەك بولسا، توبەلەس دەدىم. ءار ادامنىڭ بوكستاسۋ مانەرى ءارتۇرلى، ەگەر قارسىلاسىڭ «لاس» ويىن كورسەتسە، وعان دا بەيىمدەلۋ كەرەك.

– وليمپياداعا قانداي ماقساتپەن كەلىپ ەدىڭىزدەر؟

– كەزىندە توكيو وليمپياداسىندا جالپى­كوماندالىق ەسەپتە كوش باسىندا تۇرىپ، شاكىرتىم التىن الادى دەگەن ماقسات قويىپ ەدىم. وكىنىشكە قاراي، ورىندالمادى. ەندى ماقساتىمىزدى پاريجدە ورىنداۋ ءۇشىن ەڭبەك ەتەمىز.

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار