اقتوبە قالاسىنداعى جالعىز قوقىس پوليگونى تاعى دا وتقا وراندى. قازىرگى كەزدە ءورت سوندىرۋشىلەر مەن مەردىگەر كومپانيا جۇمىسشىلارى ءسوندىرۋ جۇمىستارىن جۇرگىزىپ جاتىر.
«بۇگىن ساعات 15:50-دە قالالىق قوقىس پوليگونىنىڭ ورتەنگەنى تۋرالى اقپارات كەلىپ ءتۇستى. ءورت ءسوندىرۋ قىزمەتىنەن 8 ادام مەن 2 تەحنيكا جىبەرىلدى. سونىمەن بىرگە سەرىكتەستىكتىڭ 12 جۇمىسشىسى مەن 3 تەحنيكاسى جۇمىلدىرىلدى. قازىرگى كەزدە ءسوندىرۋ جۇمىسى جالعاسىپ جاتىر. ءورتتىڭ اۋماعى شامامەن 500 شارشى مەتر بولادى», دەپ حابارلادى وبلىستىق تجد ءباسپاسوز قىزمەتى.
ەسكە سالا كەتسەك, 16 شىلدە كۇنى اقتوبەدە قوقىس پوليگونى ورتەنىپ, قالانى كوك ءتۇتىن باسقان ەدى. وقيعا ورنىنا ءورت ءسوندىرۋ قىزمەتىنەن 23 ادام جانە 7 تەحنيكا جىبەرىلگەن بولاتىن.
