05 تامىز، 2021

قاراشىعاناق كەن ورنىن كەڭەيتۋ جوباسى تالقىلاندى

22 رەت كورسەتىلدى

بۇگىن قاراشىعاناق كەن ورنىن كەڭەيتۋ جوباسىندا جەرگىلىكتى قامتۋدى دامىتۋ ماسەلەسى بويىنشا ونلاين-فورۋم ءوتتى، دەپ حابارلايدى Egemen.kz.

ەنەرگەتيكا ءمينيسترىنىڭ ايتۋىنشا، بۇگىنگى تاڭدا قازاقستاندا ءۇش جەتەكشى مۇناي-گاز جوباسىندا جەرگىلىكتى قامتۋدى دامىتۋ بويىنشا جەمىستى جانە ماقساتتى جۇمىس جۇرگىزىلىپ جاتىر.

نۇرلان نوعاەۆ قپو گاز بويىنشا وندىرىستىك شەكتەۋلەردى الىپ تاستاۋ جونىندەگى جوبانى ءساتتى اياقتاعانىن، سونداي-اق گازدى كەرى ايداۋدىڭ ءتورتىنشى كومپرەسسورىن سالۋ بويىنشا جوبا اياقتالۋ ساتىسىندا ەكەنىن اتاپ ءوتتى.

«مەملەكەتتىڭ نەگىزگى تالابى – جەر قويناۋىن ۇتىمدى پايدالانۋ جانە قورشاعان ورتاعا ەڭ از اسەر ەتەتىن پايدالى قازبالاردى ءوندىرۋدى قامتاماسىز ەتۋ. بۇل مىندەتتى ۇكىمەت الدىنا ەلباسى مەن قازاقستان پرەزيدەنتى قويىپ وتىر»، دەپ اتاپ ءوتتى نۇرلان نوعاەۆ.

2011 جىلى قاراشىعاناق جوباسىنداعى تاۋارلاردىڭ، جۇمىستار مەن كورسەتىلەتىن قىزمەتتەردىڭ ساتىپ الۋىنداعى جەرگىلىكتى قامتۋدىڭ ۇلەسى شامامەن 38% قۇرادى، 2020 جىلدىڭ سوڭىنا قاراي كورسەتكىشتەر 59% دەيىن ۇلعايدى. بۇل رەتتە تاۋارلاردى ساتىپ الۋ ءۇشىن 2021 جىلعى وپەراتسيالىق مالىمەتتەر بويىنشا قازاقستاندىق قامتۋدىڭ ۇلەسى نەبارى 10،08% قۇرايدى.

«بۇل تاپسىرىس بەرۋشىلەردىڭ جەرگىلىكتى تۇتىنۋشىلاردىڭ بارلىق مۇمكىندىكتەرىن تولىق پايدالانباۋىنا بايلانىستى. بۇل رەتتە، بۇگىندە قازاقستاندىق كاسىپورىنداردىڭ كوپشىلىگى مۇناي-گاز سالاسىندا جۇمىس ىستەيتىن جەر قويناۋىن پايدالانۋشىلار قويعان تالاپتارعا تولىعىمەن ساي كەلەدى. ءبىز بارلىعىمىز وسى ماسەلەنى شەشۋ ءۇشىن جۇمىس ىستەۋىمىز كەرەك - جەرگىلىكتى قامتۋ ۇلەسىن ارتتىرۋ، سونداي-اق سالا قىزمەتكەرلەرىنىڭ جالاقىسىنىڭ بارابار دەڭگەيىن بەلگىلەۋ - بۇل ەل باسشىلىعى مەن ۇكىمەتىنىڭ تاپسىرماسى»، دەدى نۇرلان نوعاەۆ.

اعىمداعى جىلى ەنەرگەتيكا مينيسترلىگىنىڭ باستاماسى بويىنشا قازاقستاندا مۇناي-گاز ماشيناسىن جاساۋدى دامىتۋدىڭ حالىقارالىق ورتالىعى اشىلدى. ول رەسپۋبليكا اۋماعىندا مۇناي-گاز جابدىعىن ءوندىرۋ ءۇشىن ەلەۋلى قولداۋ بولماق.

«ورتالىق جەرگىلىكتى قامتۋدى ارتتىرۋ بويىنشا جۇمىسقا جاڭا وڭ سەرپىن بەرەدى. بۇل ءبىزدىڭ مينيسترلىكتىڭ جۇمىسىنداعى ستراتەگيالىق باعىتتار مەن باسىم مىندەتتەردىڭ ءبىرى، ول ۇنەمى باقىلاۋدا»، دەپ قورىتىندىلادى مينيستر.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار