شالعاي اۋىلداردىڭ تۇرعىندارىنا, اسىرەسە, قىستا ەم-دوم الۋ ءۇشىن اۋرۋحانالارعا قاتىناۋ قيىن. وسىنى ەسكەرگەن بولۋ كەرەك, جەرگىلىكتى باسشىلىق ايماقتىڭ دەنساۋلىق ساقتاۋ سالاسىنا 45 ملن. تەڭگەگە جاڭا اۆتوكولىكتەر الىپ بەردى.
شالعاي اۋىلداردىڭ تۇرعىندارىنا, اسىرەسە, قىستا ەم-دوم الۋ ءۇشىن اۋرۋحانالارعا قاتىناۋ قيىن. وسىنى ەسكەرگەن بولۋ كەرەك, جەرگىلىكتى باسشىلىق ايماقتىڭ دەنساۋلىق ساقتاۋ سالاسىنا 45 ملن. تەڭگەگە جاڭا اۆتوكولىكتەر الىپ بەردى.
– بۇل – ەلباسى نۇرسۇلتان نازارباەۆتىڭ قازاقستان حالقىنا جولداۋىندا ايتىلعان تاپسىرمالاردى جانە «سالاماتتى قازاقستان» باعدارلاماسىن جۇزەگە اسىرۋ بارىسىنداعى اۋىلدىق جەرلەردە دارىگەرلىك كومەكتىڭ قولجەتىمدىلىگىن ارتتىرۋ باعىتىنداعى جۇمىستارىمىزدىڭ ءبىرى. جاڭا باستالعان جىل ىشىندە بىرنەشە دارىگەرلىك نىساننىڭ قۇرىلىسى اياقتالادى دەپ كۇتىلۋدە, – دەدى ماڭعىستاۋ وبلىسى اكىمىنىڭ ورىنباسارى ح.نۇرعاليەۆا كولىك تاپسىرۋ ساتىندە.
وبلىستىڭ اۋدان-قالالارىنا بولىنگەن بۇل كولىكتەر ايماق دەنساۋلىق ساقتاۋ سالاسىنىڭ الەۋەتىن ارتتىرۋ, «جەدەل جاردەم» قىزمەتىن دامىتۋ ءۇشىن بەرىلگەن كومەكتىڭ ءبىرىنشى بولىگى, ەكىنشى بولىگى – رەسپۋبليكالىق بيۋدجەتتەن بولىنگەن 30-عا تارتا رەانيموبيلدەر. «جەدەل جاردەم» ستانسالارىنا ارنالعان بۇل كولىكتەر مەديتسينالىق قۇرال-جابدىقتارمەن تولىق جاراقتاندىرىلعان. ال كىلتى الدىمەن قولعا تيگەن 15 «ۋاز» وبلىس ورتالىعىنان وزدەرى بولىنگەن اۋداندارعا اتتانىپ كەتتى, قابىلداپ الۋشىلاردىڭ ايتۋىنشا, ولار ودان ءارى شالعاي اۋىلدارعا جىبەرىلمەك.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
