ANTIKOR • 05 تامىز، 2021

تالدىقورعان قالاسى اكىمىنىڭ ورىنباسارى قىزمەتىنەن بوساتىلدى

354 رەت كورسەتىلدى

پارا العانى ءۇشىن مونيتورينگتىك توپ مۇشەلەرى ۇستالعاننان كەيىن تالدىقورعان قالاسى اكىمىنىڭ ورىنباسارى قىزمەتىنەن بوساتىلدى، دەپ حابارلايدى Egemen.kz zakon.kz-كە سىلتەمە جاساپ.

الماتى وبلىسى بويىنشا سىبايلاس جەمقورلىققا قارسى قىزمەتتىڭ تەرگەۋ باسقارماسىنىڭ وندىرىسىندە تالدىقورعان قالاسىنىڭ كاسىپكەرلىك ءبولىمى باسشىسى مەن وسى ءبولىمنىڭ باس مامانى پارا الۋ فاكتىسى بويىنشا قر قىلمىستىق كودەكستىڭ 366-بابى، 3-بولىگى، 2-1-تارماقتارى بويىنشا قىلمىستىق ءىس الىندى.

ءبولىم باستىعى ءوزىنىڭ قاراماعىنداعى باس مامانمەن كەلىسە وتىرىپ، COVID-19 كوروناۆيرۋس ينفەكتسياسىمەن كۇرەسۋدىڭ داعدارىسقا قارسى شارالارى كەزىندە، حالىق كوپ جينالاتىن شارالار ۇيىمداستىرۋعا جانە وتكىزۋگە تىيىم سالىنعانىنا قاراماستان، جۇيەلى تۇردە پارا الىپ، ولارعا قاتىستى اكىمشىلىك شارالار قولدانباعان. ولار قالا مەيرامحانالارىنان جانە ستيحيالىق ساۋدا وكىلدەرىنەن 20 مىڭنان 270 مىڭ تەڭگەگە دەيىن پارا العان.

سونداي-اق مەيرامحانانىڭ بەس اكىمشىسى جوعارىدا ايتىلعان كولەمدە پارا بەرگەنى جانە جاپپاي ءىس-شارالار وتكىزگەنى ءۇشىن جاۋاپقا تارتىلادى.

قىلمىستىق ءىس اياسىندا الماتى وبلىسى بويىنشا سىبايلاس جەمقورلىققا قارسى قىزمەت باسشىلىعى تالدىقورعان اكىمدىگىندە قالا اكىمىنىڭ قاتىسۋىمەن كەڭەس وتكىزدى، ونىڭ قورىتىندىسى بويىنشا الدىن الۋ شارالارى ماقساتىندا، سونداي-اق بۇل باعىتتا ءتيىستى باقىلاۋ جۇرگىزىلمەگەنى ءۇشىن تالدىقورعان قالاسى اكىمىنىڭ ورىنباسارى س.ارزانبەكوۆا قىزمەتىنەن بوساتىلدى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار