الەم • 05 تامىز، 2021

تاجىك-اۋعان شەكاراسىن اتتى اسكەر كۇزەتەدى

15 رەت كورسەتىلدى

تاجىك-اۋعان شەكاراسىندا باقىلاۋدى كۇشەيتۋ اياسىندا تاجىك شەكاراشىلارىنا 18 جىلقى تاپسىرىلدى، دەپ حابارلايدى Egemen.kz ورتالىق ازيا جاڭالىقتار قىزمەتىنە سىلتەمە جاساپ.

كورنەكى سۋرەت: Pixabay.com

اتتى اسكەر شامسيدديني شوحين ايماعىنداعى شەكارانىڭ جەتۋگە قيىن ۋچاسكەلەرىن كۇزەتەدى.

بۇرىن اۋعاندىق ەسىرتكى ساۋداگەرلەرى مەملەكەتتىك شەكارانىڭ وسى ۋچاسكەسىن ءجيى پايدالانعان.

«كولىك جەتۋگە قيىن جەرلەردى كۇزەتۋ مۇمكىن ەمەس. ءبىز وسى ۋاقىتقا دەيىن تاۋلى ايماقتاردى باقىلاۋ ءۇشىن 18 جىلقى الدىق. بىزگە تاعى بىرنەشە جىلقى بەرەمىز دەپ ۋادە بەردى جانە اتقا تاپسىرىس كوبەيەدى»، دەدى شەكاراشىلاردىڭ ءبىرى وزودي راديوسىنا.

كەڭەس داۋىرىندە اۋعانستانمەن اراداعى شەكارانى ات جاساقتارى كۇزەتتى.

شامسيددين شوحين اۋدانىنىڭ باسشىسى زافار گۇلزودانىڭ ايتۋىنشا، اۋدان اۋماعىندا جاڭا شەكارا بەكەتى سالىنىپ جاتىر. جاڭا زاستاۆا قايدا جانە قانداي قاراجاتقا سالىنىپ جاتقانىن ناقتىلاعان جوق. بەكەت اۋعانستانداعى جاعدايدىڭ شيەلەنىسۋىنە بايلانىستى سالىنىپ جاتىر. اقش پەن ونىڭ وداقتاستارى اۋعانستان اۋماعىنان اسكەرىن شىعارعاننان كەيىن، بىرقاتار ەلدە تەرروريست دەپ تانىلعان تاليبتەر اۋقىمدى شابۋىلعا شىعىپ، ەلدىڭ كوپ بولىگىن جانە شەكارانى باقىلاۋعا الدى.

تاليباننان قاشقان اۋعان اسكەرى شەگىنىپ، رەسپۋبليكا شەكاراسىن كەسىپ وتكەن بىرنەشە جاعدايدان كەيىن تاجىك بيلىگى شارا قابىلداي باستادى. ناتيجەسىندە دۋشانبە ۇجىمدىق قاۋىپسىزدىك كەلىسىم تۋرالى ۇيىمىنان شەكارانى نىعايتۋعا كومەك سۇرادى. رەسمي مالىمەتتەر بويىنشا، تالىپتەر اۋعانستان مەن تاجىكستان شەكاراسىنىڭ ۇشتەن ەكى بولىگىن باقىلايدى.

سوڭعى جاڭالىقتار

ۇقساس جاڭالىقتار