قارجى • 05 تامىز، 2021

ءاميان اقشاسىز قالدى

365 رەت كورسەتىلدى

قازىر قازاقستاندىقتاردىڭ قالتاسىندا ءاميان بار، بىراق ءاميان ىشىندە اقشا جوق. قۇندى قاعاز قازىر ءوز مەكەنجايىن ەلەكتروندى امياندارعا ايىرباستاعان. ەلەكتروندى ساۋدانىڭ دامۋى قولما-قول تولەمدى كۇرت ازايتتى. بىراق بۇدان ەشكىم دە ۇتىلمايتىنى انىق.

FinReview جوباسىنىڭ جازۋىنشا، ەكونوميستەر جاقىن ارادا جاھاندىق ەلەكتروندى كوممەرتسيا نارىعى ايتار­لىقتاي ءوسىم كورسەتەدى دەپ بولجايدى. جاپپاي ەنگىزىلە باستاعان قاتاڭ شەكتەۋلەردەن قايمىققان كاسىپكەرلەر ءوز بيزنەسىن ونلاين فورماتقا كوشىرە باس­تادى، جۇرتشىلىق تا وفلاين دۇكەن­دەرگە بارۋدى سيرەتىپ، قاشىقتان تاپسىرىس بەرۋدى جيىلەتتى. بىلتىر 4،3 ترلن­ دوللاردى قۇراعان ينتەرنەتتەگى سا­تى­لىم كولەمى 2023 جىلعا تامان 6،6 ترلن دوللارعا جەتپەك.

قازاقستان دا الەمدىك كوممەرتسيا­دان قالىسار ەمەس. 2020 جىلى ون­لاين-نارىقتا 1،2 ترلن تەڭگە اينالىمدا بولعان. الداعى بەس جىلعا ساۋە­گەي­لىك جاساعان ساۋدا جانە ينتەگرا­تسيا مينيسترلىگى ەندى بىرەر جىلدان سوڭ نارىقتاعى اقشا اينالىمى 1،9 ترلن تەڭگەگە جەتەدى دەيدى. QazTrade ورتا­لىعى 2025 جىلعا قاراي ەلەكتروندى ساۋ­دا-ساتتىق كولەمى 3،5 ترلن تەڭگەگە جۋىق­تايدى دەگەن بولجام ايتادى. بۇل ءوز كەزەگىندە قولما-قول اقشاسىز جا­سالعان تولەم كولەمىن ارتتىرعان. بىل­تىر قولما-قول اقشاسىز جاسالعان تولەم 2،5 ەسە ءوسىپ، 35،3 ترلن تەڭگە بولسا، بيىل بەس ايدىڭ وزىندە 23،6 ترلن تەڭگەگە جەتكەن. سونىمەن قاتار ينتەرنەت جانە ءموبيلدى ينتەرنەت ارقىلى جۇزەگە اساتىن ونلاين-تولەمدەر دە ەسەلەپ وسكەن. مۇنداي تولەمدەر جالپى كولەمنىڭ 82،5 پايىزىن قۇرايدى. ءبىر جىلدا قاجەت تاۋارىن ينتەرنەتتەن تابۋعا داعدىلانعان پايدالانۋشىلار سانى 600 مىڭعا ارتىپ، 3،8 ملن ادامعا جەتىپتى. ارينە، ونىڭ كوبى وفلاين ساۋدالاسۋدى ساعىنىپ تا ءجۇرۋى مۇمكىن. ىندەتتىڭ بەتى قايتسا قايتادان سۋپەرماركەتتەر مەن بازارلارعا بارا باستايدى. دەگەنمەن ونلاين تاپسىرىس بەرۋ ادامداردىڭ ادەتىنە اينالىپ، بۇل نارىقتاعى تىڭ بەتبۇرىستىڭ باستاۋىنا اينالۋى مۇمكىن ەكەنىن دە ەشكىم جوققا شى­عارمايدى.

بيزنەستى قالاي دامىتۋدى يگە­­­­رە باس­تاعان كاسىپورىندار قا­­­زىر كليەنتتەرىن وزدەرىنەن الىس­­­ت­اتپاي ۇستاپ وتىرۋدىڭ دا ءتۇر­­لى ءتاسىلىن مەڭگەرە باستاعان. ولار­­دىڭ جەلى ارقىلى تاپسىرىس بەر­گەن تۇتىنۋشىعا ءتۇرلى جە­ڭىل­دىك­تەر ۇسىنۋى، ونلاين تاپسىرىس بەرۋ ار­قىلى ۋاقىتىڭىز بەن ەنەر­گياڭىزدى ۇنەم­دەي الۋىڭىز – بۇل فورماتقا ءار كەز با­سىم­دىق سىيلايدى. بىلتىردىڭ وزىندە قىز­مەتكەرلەردىڭ 70 پايىزى قا­شىقتان جۇمىس ىستەۋگە كوشتى. 2021 جىلدىڭ با­سىندا 20 پايىز قىزمەتكەر ۇيدەن جۇ­مىس ىستەۋ رەجىمىندە قالا بەرگەن. جاز ورتاسىندا «دەلتا» شتامىنىڭ پاي­دا بولۋى، قالالارعا قاتاڭ شارا­لاردىڭ قايتا ورالۋى كوپ ادام­دى ۇيىن­دە جۇ­مىس ىستەۋگە ءماج­بۇر ەتەتىن سى­ڭايلى. بۇل دا – ءوز كەزەگىندە ونلاين ساۋ­دا­نىڭ ءبا­سىن ارتتىراتىن بىرەگەي سەبەپ.

مەملەكەت بۇل سالانى ءارى قا­راي دامىتا بەرۋگە مۇددەلى. ەلەكتروندى كوم­مەرتسيانىڭ ەندى­گى كەزەكتە ەكونو­مي­كانىڭ باستى درايۆەرىنە اينالىپ ۇلگەرگەندىگى ءسوزسىز. سوندىقتان ساۋ­دا جانە ينتەگراتسيا مينيسترلىگى e-commerce-نى ءۇش نەگىزگى باعىت نەگى­زىندە دامىتۋ قاجەت دەپ سانايدى. ال­عاش­قىسى – ەلەكتروندى ساۋدانى جانە شوب-تى ىنتالاندىرۋ. ەكىنشىسى – لوگيستيكالىق سەرۆيس پەن جەتكىزۋ قىزمەتىن دامىتۋ. ءۇشىنشىسى – ون­لاين-ترانسشەكارالىق ساۋدا­نى العا جىل­جىتۋ. اسىرەسە، ءۇشىن­شى باعىت بويىن­شا ۆەدوم­ستۆو بىرقاتار جوبانى ۇسى­نىپ ۇلگەردى. ماسەلەن، قازاق كاسىپ­كەر­لەرى ەندى ەش كەدەرگىسىز حالىق­ارالىق Amazon، Ozon، eBay ونلاين پلاتفورمالارىندا تاۋار ساتا الادى.

2020 جىلدان باستاپ ءبىزدىڭ ونىم­دەردىڭ Alibaba پلاتفورماسىندا دا ساۋ­دالانا باس­تاۋى – ەكسپورتتىڭ دامۋىنا جول اشتى. قازىردىڭ وزىندە ءجۇز شاقتى كومپانيا جالپى سوماسى 45 ملن دوللار بولاتىن ەكسپورتتىق كەلىسىم­شارتتار جاساعان.

 

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار