قوعام • 05 تامىز، 2021

دايارلىقتارىن جەتىلدىردى

25 رەت كورسەتىلدى

پريوزەرسك گار­نيزو­­نىن­داعى اسكەري ءبولىم­­نىڭ جەكە قۇرامى قاتارىن تو­لىقتىرعان ساربازدار اتىس دايارلى­عىنىڭ جوس­پارىنا سايكەس اك-74 قا­رۋىنان وق اتۋ جات­تى­عۋىن وتكىزدى.

اتىس جاتتىعۋىنىڭ ماقساتى ساربازداردىڭ ماشىعىن جەتىل­دىرىپ، داعدىلارىن شىڭ­داۋ بولىپ تابىلادى.

جاتتىعۋ الدىندا جەكە قۇرام قاۋىپسىزدىك ەرەجەلەرىن قاي­تالاپ، قارۋدى بولشەكتەپ، قايتا جيناۋ ءىس-قيمىلدارىن ورىن­داپ، اتىس الاڭىندا وق اتۋدى ورىندادى. مەديتسينالىق كومەك كورسەتۋ ساباقتارىنا قاتىس­تى. بۇعان قوسا سارباز­دار اسكەردىڭ كۇندەلىكتى دەنە دايارلىعى، قۇقىق­تىق دايارلىق ساباقتارىنا دا قاتىسىپ، اس­كەري ءومىردىڭ قىر-سىرىن ۇي­رەنىپ، داعدىلانۋدا.

بۇل – ساربازداردىڭ اسكە­ري بولىمدەگى ءبىرىنشى اتىس جات­تى­عۋى ەمەس. سوندىقتان ولار قارۋدان اتۋدا ۇزدىك ناتيجەلەر كورسەتە ءبىلدى.

– العاشقى كۇندەرى قارۋدى ۇستاپ، ودان اتۋ قوبالجىتقانى راس. دەگەنمەن، ۋاقىت وتە كەلە تاجىريبە مەن ماشىقتانۋدىڭ نا­تيجەسىندە، جاقسى كورسەتكىش­كە قول جەتكىزىپ كەلەمىز، – دەدى ۇزدىك ناتيجە كورسەتكەن ەف­رەي­تور بەكزات امالبەك.

ساربازدار ءبىر جىل بويى تەك اك-74 اۆتوماتىنان وق اتۋدى ورىنداپ قانا قويماي، باسقا دا قارۋ تۇرلەرىن زەردەلەيدى. اسكەردىڭ، تارتىپكە باعىنۋدىڭ، وتاندى قورعاۋدىڭ بارلىق قىر-سىرىن ۇيرەنىپ، ناعىز جاۋىنگەرلىك مەكتەپتەن وتەدى.

– بۇگىنگى اتىستا ساربازدار العاشقى كەزبەن سالىستىرعاندا ماشىقتانعانىن، ەپتىلىك پايدا بولعانىن، جۇرەكسىنۋدىڭ سەيىلگەنىن كورسەتتى. وسىلايشا، ءبىر جىل ىشىندە دالدىكتى، كوزدەۋ­دى، ناقتىلىقتى ءبىلىپ قانا قوي­ماي، تارتىپكە، ەرەجەگە، ساپ­تىق دايارلىقتى ۇيرەنەدى، –دەدى نۇسقاۋشى سەرجانت ايبەك كۇرتىباەۆ.

اسكەري بولىمدە مەرزىمدى قىز­مەتتەگى ساربازدارمەن وتكى­زى­لەتىن بارلىق ءىس-شارادا ساني­تارلىق-ەپيدەميالىق تالاپتار ساقتالاتىنىن ايتا كەتكەن ءجون.

 

«ەگەمەن-اقپارات»

 

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار