وقيعا • 04 تامىز، 2021

اتىراۋدا اسكەري قىزمەتشى قاريانى ورتتەن قۇتقاردى

221 رەت كورسەتىلدى

اتىراۋدا اسكەري قىزمەتشى قاريانى ورتتەن قۇتقاردى، دەپ حابارلايدى Egemen.kz.

قاتارداعى جاۋىنگەر باتىرحان بەيبىت ۇلى 2019 جىلدان بەرى «باتىس» وڭىرلىك قولباسشىلىعىنىڭ №5546 اسكەري بولىمىندە كەلىسىمشارت قىزمەتىنىڭ اسكەري قىزمەتشىسى بولىپ قىزمەت ەتەدى. ول كەشە، 3 تامىزدا قىزمەتتەن كەلە جاتىپ، جەكە ءۇيدىڭ تەرەزەسىنەن  قارا ءتۇتىن مەن جالىندى بايقاپ قالعان.

«مۇندايدا ۋاقىت جوعالتپاۋ كەرەك. سوندىقتان، باتىرحان بەيبىت ۇلى تەلەفونمەن ءورت سوندىرۋشىلەر مەن جەدەل جاردەمگە دەرەۋ حابارلاعان. ءورت سوندىرۋشىلەر بريگاداسى كەلگەنشە، ورتەنىپ جاتقان ۇيگە كىرىپ، ىشكى بولمەدەگى ديۆاندا ەس-ءتۇسسىز كۇيدە جاتقان قاريانى تاپقان. ونى ورتەنىپ جاتقان ۇيدەن كوشەگە شىعارىپ، العاشقى مەديتسينالىق كومەك كورسەتكەن. سودان كەيىن اسكەري قىزمەتشى گاز قوندىرعىسىن ءوشىرۋ ءۇشىن جانىپ جاتقان ۇيگە قايتا كىرگەن»، دەيدى قر «باتىس» رەسپۋبليكالىق ۇلتتىق گۆاردياسى ءباسپاسوز قىزمەتىنىڭ باستىعى، پودپولكوۆنيك ەربولات سۇلتانوۆ.

ءورت سوندىرۋشىلەر جالىندى دەر كەزىندە ءسوندىردى. ال، اسكەري ءبولىم توتەنشە جاعدايدا كورسەتكەن باتىلدىعى مەن كاسىبي شەبەرلىگى ءۇشىن قاتارداعى جاۋىنگەر باتىرحان بەيبىت ۇلىن ماراپاتتاۋعا ۇسىنىپ وتىر.

سوڭعى جاڭالىقتار

ۇقساس جاڭالىقتار