كوروناۆيرۋس • 04 تامىز، 2021

الماتى اۋەجايىندا جالعان پتر-تەست انىقتاماسىن قولدانعاندار ۇستالدى

10 رەت كورسەتىلدى

الماتى قالاسىندا كوروناۆيرۋسقا قارسى پتر-تەستىنىڭ جالعان انىقتاماسىن قولدانعان 8 تۇرعىن اشكەرە بولدى. بۇل تۋرالى ىشكى ىستەر مينيسترلىگى كولىكتەگى پوليتسيا دەپارتامەنتىنىڭ ءباسپاسوز قىزمەتى حابارلادى، دەپ جازادى Egemen.kz.

«ازاماتتار اراسىندا جالعان پتر انىقتامالارىن قولدانۋ تىيىلماي تۇر. بۇل جولى كۇدىككە الماتى قالاسىنىڭ 8 تۇرعىنى ىلىگىپ وتىر. 30 شىلدەدە الماتى قالاسىنىڭ حالىقارالىق اۋەجايىندا كولىك پوليتسەيلەرى نىسان قىزمەتكەرلەرىمەن بىرگە كوروناۆيرۋس جۇقتىرماعانى تۋرالى جالعان پتر انىقتاماسى بار ادامدار توبىن ۇستادى. بارلىعى الماتى قالاسىنداعى جەكە فيرمالاردىڭ ءبىرىنىڭ قىزمەتكەرى. جۇمىس ورنى ولارعا دۋباي قالاسىنا ساياحات جولداماسىن بەرگەن. قۇقىق بۇزۋشىلار پتر انىقتامانى ينتەرنەت ارقىلى ساتىپ العان. قازىر اتالعان فاكتى بويىنشا قىلمىستىق كودەكستىڭ 385-بابىنىڭ 3-بولىگى (كورىنەۋ جالعان قۇجاتتى پايدالانۋ) بويىنشا سوتقا دەيىنگى تەرگەۋ باستالدى»، دەدى كولىكتەگى پوليتسيا دەپارتامەنتى باستىعىنىڭ ورىنباسارى سارىقۇل جولانوۆ.

جولانوۆتىڭ ايتۋىنشا، بۇل الماتى قالاسىنىڭ اۋەجايىندا تىركەلگەن 11-ءىنشى وقيعا.

سوڭعى جاڭالىقتار

ۇقساس جاڭالىقتار