قازاقستان • 04 تامىز، 2021

«سك-فارماتسيانىڭ» بۇرىنعى باسشىسى اقتالىپ شىقتى

1809 رەت كورسەتىلدى

نۇر-سۇلتان قالاسىنىڭ ەسىل اۋداندىق سوتىنىڭ سۋدياسى قانات دۇيسەمبيەۆ «سك-فارماتسيانىڭ» بۇرىنعى باسشىسى بەرىك شارىپكە ۇكىم شىعاردى، دەپ حابارلايدى Egemen.kz Tengrinews.kz سايتىنا سىلتەمە جاساپ.

پروكۋرور داستان كۋپەرباەۆ كۇدىكتىنى بەس جىل مەرزىمگە باس بوستاندىعىنان ايىرۋدى سۇرادى.

سۋديا بەرىك ءشارىپتى قاماۋدان بوساتىپ، ايىپپۇل سالۋعا شەشىم قابىلدادى.

«بەرىك ءشارىپ 287-باپتا، 2-بولىكتە كوزدەلگەن قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىلسىن جانە 1000 اەك - 2 ميلليون 778 مىڭ تەڭگە ايىپپۇل تاعايىندالسىن. بەرىك ءشارىپ 361-باپتا، 4-بولىكتە، 3-تارماقتا كوزدەلگەن قىلمىستىق قۇقىق بۇزۋشىلىق جاساۋدا كىناسىز دەپ تانىلسىن جانە ونىڭ ءىس-ارەكەتتەرىندە قىلمىس قۇرامى بولماعانى ءۇشىن اقتالسىن. قك-ءنىڭ 62-بابىنا، 3-بولىگىنە، 4-تارماعىنا سايكەس ايىپپۇل تۇرىندەگى جازا مەرزىمىنە 2020 جىلعى 12 تامىز بەن 2021 جىلعى 4 تامىز ارالىعىنداعى كەزەڭدە ايىپپۇل تۇرىندەگى جازانى وتەۋدىڭ 4 اەك ءۇشىن كۇزەتپەن ۇستاۋ ۋاقىتىنىڭ ءبىر كۇنى ەسەبىمەن كۇزەتپەن ۇستاۋ ۋاقىتى ەسەپتەلسىن، بەرىك ءشارىپ تاعايىندالعان جازا وتەلدى دەپ ەسەپتەلسىن جانە ول سوت وتىرىسى زالىندا كۇزەتپەن ۇستاۋدان بوساتىلسىن. كۇزەتپەن ۇستاۋ تۇرىندەگى بۇلتارتپاۋ شاراسى جويىلسىن. قىلمىستىق جاۋاپكەرشىلىككە تارتۋمەن كەلتىرىلگەن زياندى وتەتتىرۋ قۇقىعى اقتالدى دەپ تانىلسىن»، دەپ قاۋلى ەتتى سۋديا.

بەرىك ءشارىپ 11 ايدان استام ۋاقىت قاماۋدا بولدى. كەشە، 3 تامىزدا ول سوتتا سوڭعى ءسوز سويلەدى، وندا ول ءوزىن كىناسىز دەپ اتادى.

«ماعان «دارىگەرلەرگە ۆيرۋس جۇقتىردىڭ» دەگەن ايىپ تاعىلدى. بىراق بۇل مۇمكىن ەمەس، ويتكەنى مەنىڭ ارىپتەستەرىم كوروناۆيرۋستان قورعاۋدىڭ ءبىرىنشى قاتارىندا. بۇكىل الەمدە دارىگەرلەر ۆيرۋستى پاندەميانىڭ باسىندا دا، قازىر دە جۇقتىرىپ كەلەدى. بۇل ينفەكتسياعا بىردە-ءبىر ەل دايىن ەمەس ەدى، ونىڭ ىشىندە ءبىز دە بارمىز»، دەدى ول.

«سك-فارماتسيا» جشس-ءنىڭ بۇرىنعى باسقارما توراعاسى بەرىك ءشارىپتىڭ ۇستالعانى تۋرالى 2020 جىلعى تامىزدا بەلگىلى بولدى. 

 

سوڭعى جاڭالىقتار

ۇقساس جاڭالىقتار