ەلوردا • 04 تامىز، 2021

نۇر-سۇلتان حالىق ساناعىنا دايىن

29 رەت كورسەتىلدى

نۇر-سۇلتاندا حالىق ساناعىنىڭ دايىندىق كەزەڭى اياقتالدى، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

دايىندىق كەزەڭى اياسىندا ينتەرۆيۋەرلەر تۇرعىن سانىن بەلگىلەۋ، سونداي-اق مەكەنجاي دەرەكتەرىن رەداكتسيالاۋ ماقساتىندا تۇرعىن جانە تۇرعىن ەمەس ءۇي-جايلاردى ارالاپ شىقتى. پلانشەت قۇرىلعىلارىنا جينالعان بارلىق اقپارات «اۋدانداستىرۋ» اۆتوماتتاندىرىلعان جۇيەسىنە بەرىلدى.

قازىر دايىندىق كەزەڭى دەرەكتەرى نەگىزىندە ساناقتىڭ نەگىزگى كەزەڭى ءۇشىن الدىن الا ەسەپتەۋ، ەسەپ جانە نۇسقاۋ ۋچاسكەلەرىن قالىپتاستىرۋ ءجۇرىپ جاتىر.

ەسەپتەۋ جانە نۇسقاۋ بەرۋ ۋچاسكەلەرى الدىمەن قالا كارتاسىندا قالىپتاستىرىلادى، سودان كەيىن اقپاراتتىق جۇيەگە جانە پلانشەتتىك قۇرىلعىلارعا كوشىرىلەدى. بۇل بارلىق رەسپوندەنتتەرگە ساناق پاراعى بويىنشا ەلەكتروندىق تۇردە ساۋالناما جۇرگىزۋگە مۇمكىندىك بەرەدى.

«ينتەرۆيۋەرلەردىڭ ەلەكتروندىق پلانشەتتى پايدالانۋى ساناق قىزمەتكەرلەرىنىڭ ەڭبەك شىعىنىن ازايتۋعا، ادام فاكتورىنىڭ دەرەكتەر ساپاسىنا اسەرىن ازايتۋعا، جسن قولدانا وتىرىپ، حالىق ساناعى دەرەكتەرىنىڭ شىنايىلىعىن ارتتىرۋعا، قاعاز بەن كەڭسە زاتتارىن ەداۋىر ۇنەمدەۋگە سەپتەسىپ، دەرەكتەردى جيناۋ كەزىندە ينتەرۆيۋەرلەردىڭ جىلدام جۇمىس ىستەۋىنە مۇمكىندىك بەرەدى»، دەلىنگەن ۆەدومستۆو حابارلاماسىندا.

نىسانداردى ارالاۋ جانە وندا تۇراتىن حالىققا ساۋالناما جۇرگىزۋ 2021 جىلعى 1-30 قازان ارالىعىندا جۇزەگە اسىرىلادى.

ايتا كەتۋ كەرەك، ازاماتتار ورنالاسقان جەرىنە قاراماستان مامانداندىرىلعان sanaq.gov.kz سايتىندا ينتەرنەت-ساۋالنامادان وتە الادى. وزىنە جانە وتباسى مۇشەلەرىنە ساناق پاراعىن جەكە تولتىرۋ قاجەت. سايت 2021 جىلدىڭ 1 قىركۇيەگى مەن 15 قازانى ارالىعىندا تاۋلىگىنە 24 ساعات بويى قولجەتىمدى بولادى.

سوڭعى جاڭالىقتار

ۇقساس جاڭالىقتار