وقيعا • 04 تامىز، 2021

ءۇلبى وزەنىنە 18 جاستاعى جىگىت باتىپ كەتتى

23 رەت كورسەتىلدى

وسكەمەن قالاسىنداعى ءۇلبى وزەنىنە 18 جاستاعى جىگىت باتىپ كەتتى، دەپ حابارلايدى Egemen.kz.

شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك، 1 تامىزدا ۇيدەن شىعىپ كەتكەن 18 جاستاعى جىگىت سول-كۇيى قايتىپ ورالماعان. كەلەسى كۇنى ءۇلبى وزەنىنىڭ جانىنان ءوتىپ بارا جاتقان ادامدار ونىڭ جەكە زاتتارى مەن ۇيالى تەلەفونىن تاۋىپ الىپ، تۋىستارىنا حابار بەرگەن.

«3 تامىز كۇنى حابار-وشارسىز كەتكەن ازاماتتىڭ تۋىستارى قۇتقارۋشىلاردان كومەك سۇرادى. ءسويتىپ، ىزدەستىرۋ جۇمىستارى دەرەۋ قولعا الىندى. وكىنىشكە قاراي، بۇگىن ءۇلبى وزەنىنەن ەر ادامنىڭ ءمايىتى تابىلدى»، دەپ حابارلادى ۆەدومستۆو وكىلدەرى.

وسى رەتتە، دەپارتامەنت ماماندارى ءوڭىر جۇرتشىلىعىنا جابدىقتالماعان جەرلەردە شومىلماۋ قاجەتتىگىن ەسكەرتەدى.

 

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • بۇگىن، 22:48

ۇقساس جاڭالىقتار