ەلوردا • 04 تامىز، 2021

نۇر-سۇلتان كوشەلەرىندە قىزىل ءتۇستى جولاقتار پايدا بولدى

324 رەت كورسەتىلدى

نۇر-سۇلتانداعى جاياۋ جۇرگىنشى جولاقتارىنىڭ الدىنا قىزىل شۋ جولاعى قويىلا باستادى، دەپ حابارلايدى Egemen.kz ەلوردالىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.

«جول پوليتسياسى ەلوردا اكىمدىگىمەن بىرلەسىپ، جولاقتار اراسىنداعى قاشىقتىقتى ۇلعايتا وتىرىپ، جاياۋ جۇرگىنشىلەر وتكەلىنىڭ الدىندا قىزىل شۋ جولاقتارىن ازىرلەپ جاتىر. بۇل جولاق شۋ اسەرىن تۋدىرادى، سونىمەن قاتار جۇرگىزۋشىلەردىڭ نازارىن اۋدارۋعا مۇمكىندىك بەرەدى. جىل باسىندا قالا كوشەلەرىنىڭ جەتى ۋچاسكەسىنە ورناتىلدى، قازىرگى ۋاقىتتا باسقا كوشەلەرگە قويىلىپ جاتىر»، دەپ جازىلعان حابارلامادا.

پوليتسيا اتاپ وتكەندەي، مۇنىڭ ءبارى ازاماتتاردىڭ قاۋىپسىزدىگى ءۇشىن جاسالعان.

«جول قاۋىپسىزدىگىن قامتاماسىز ەتۋ - ءبىزدىڭ ازاماتتاردىڭ ءومىرى مەن دەنساۋلىعىن ساقتاۋدا ءبىرىنشى كەزەكتەگى مىندەت. قابىلدانعان شارالار قاۋىپتى جول ۋچاسكەلەرىنىڭ سانىن ازايتۋعا جانە جول اپاتىنىڭ الدىن الۋعا مۇمكىندىك بەرەدى»، دەدى قالالىق جول پوليتسياسىنىڭ باسشىسى ەرجان سادەنوۆ.

 

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • بۇگىن، 22:48

ۇقساس جاڭالىقتار