ءبىلىم • 04 تامىز، 2021

تامىزدا وتەتىن ۇبت-عا ءوتىنىش قابىلداۋ باستالدى

61 رەت كورسەتىلدى

تامىز ايىندا وتەتىن ۇبت-عا قاتىسۋ ءۇشىن ءوتىنىش قابىلداۋ باستالدى، دەپ حابارلايدى Egemen.kz.

وتىنىمدەر قابىلداۋ 4 تامىزدا باستالىپ، 6 تامىزعا دەيىن جالعاسادى. ۇبت-عا تىركەلۋ ۇلتتىق تەستىلەۋ ورتالىعىنىڭ app.testcenter.kz سايتىندا جۇرگىزىلەدى.

تامىزداعى ۇبت شەكتى بالل جيناي الماعان تالاپكەرلەردىڭ تەستىلەۋدەن قايتا ءوتىپ، جوو-عا اقىلى نەگىزدە ءتۇسۋ مۇمكىندىگى بولۋى ءۇشىن وتكىزىلەدى. ايتا كەتەيىك، وسى ۇبت-عا بيىلعى جانە وتكەن جىلداردىڭ مەكتەپ تۇلەكتەرى، كوللەدج تۇلەكتەرى مەن شەتەلدىك مەكتەپتەردە ءبىلىم العاندار قاتىسا الادى.

نەگىزگى ۇبت سەكىلدى تامىزداعى تەستىلەۋ ەلەكتروندى فورماتتا 10-13 تامىز ارالىعىندا وتەدى. تىركەلۋ كەزىندە تەستىلەنۋشىلەر ەمتيحان وتكىزىلەتىن ورىندى، كۇندى جانە ۋاقىتتى وزدەرى تاڭدايدى.

«وكىنىشكە وراي، قاڭتار-ماۋسىم ارالىعىندا وتكەن ۇبت-دا كەيبىر تالاپكەرلەر شەكتى بالل جيناي المادى. ولار ەلىمىزدىڭ جوعارى وقۋ ورىندارىنا ءتۇسۋ مۇمكىندىگىنەن ايىرىلدى. ءبىز وسى بالالاردىڭ اقىلى بولىمگە ءتۇسۋ مۇمكىندىگى بولۋى ءۇشىن تامىز ايىندا قايتا تەستىلەۋدەن وتۋگە جاعداي جاسادىق. وقۋعا ءتۇسۋ ءۇشىن شەكتىك بالل جانە ءار پاننەن كەمىندە 5 بالل جيناۋ قاجەت»، دەپ ءتۇسىندىردى قر بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويباەۆ.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • بۇگىن، 22:48

ۇقساس جاڭالىقتار